U Kitai anłajn-para ad rasčaravańnia pabiłasia na pieršaj realnaj sustrečy VIDEA
U Kitai chłopiec i dziaŭčyna byli źniatyja na videa pasiarod vulicy padčas pieršaj sustrečy ŭ realnym žyćci. Internet-zakachanyja abvinavačvali adzin adnaho ŭ vykarystańni prycharošanych fotazdymkaŭ, a zatym pabilisia.
U jakim mienavita horadzie byŭ źniaty rolik, nieviadoma, adnak jon užo ablacieŭ mnostva kitajskich internet-resursaŭ i trapiŭ u YouTube. «Ja ŭdaryła ciabie, i šo? Pahladzi, jak ty vyhladaješ, pierš čym pakazvać palcam na mianie!» — kryčała maładaja žančyna z karotkaj stryžkaj i ŭ kakietlivaj saročcy. U adkaz małady čałaviek dastaje telefon i pakazvaje fatahrafii raziavakam: «Pahladzicie. Ja byŭ zaprošany na spatkańnie praź internet. Pahladzicie, jak jana vyhladaje, a zatym pahladzicie na hetuju fatahrafiju».
Para prapanavała minakam rassudzić, chto ź ich bolš padmanvaŭ. Pry hetym rasčaravanaja dziaŭčyna nazyvała maładoha čałavieka «vyludkam», jaki vykarystaŭ jaje. Jana niekalki razoŭ udaryła chłopca torbaj, u adkaz toj adšturchnuŭ jaje z takoj siłaj, što jana ŭpała. «Što vy ŭsie hledzicie? Vy navat nie dapamožacie mnie?» — zakryčała dziaŭčyna, pierš čym pajści ź miesca skandału.
U Kitai vielizarnaj papularnaściu karystajucca roznyja servisy internet-znajomstvaŭ. Adnym z samych papularnych źjaŭlajecca zasnavany ŭ 2003 hodzie studentkaj žurfaka sajt Jiayuan, jon naličvaje bolš za 40 młn aktyŭnych karystalnikaŭ i 135 młn ankiet. Hety servis pryznačany ŭ pieršuju čarhu dla stvareńnia siamiejnych par, i jaho administracyja nadaje šmat uvahi baraćbie z roznaha rodu ašukancami, jakija zavyšajuć svoj dachod abo rost. Akramia taho, isnuje šerah mabilnych prahram dla znajomstvaŭ pablizu, jany papularnyja ŭ asnoŭnym siarod ekspataŭ i studentaŭ.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary