U Maskoŭskim manietnym dvary (MMD) paćvierdzili paviedamleńni pra vypusk pamiatnaha žetona «Urok miralubnaści» ŭ honar zbližeńnia rasijskaha bambavika Su-24 i amierykanskaha eśminca «Donald Kuk» 12 krasavika 2014 hoda.
Supracoŭnica handlovaha sałona Maskoŭskaha manietnaha dvara paćvierdziła, što žeton «Urok miralubnaści» byŭ vypuščany MMD. Pavodle jaje słoŭ, heta byŭ abmiežavany tyraž — 500 štuk. U ciapierašni čas usie žetony nabytyja, i nieviadoma, ci buduć vypuskacca novyja.
Na sajcie Maskoŭskaha manietnaha dvara infarmacyja pra hety žeton adsutničaje. Supracoŭnica handlovaha sałona patłumačyła, što na sajcie pradstaŭlenaja daloka nie ŭsia pradukcyja, jakaja jość u sałonie. Košt žetona ŭ internet-kramach składaje ad 600 da 1000 rubloŭ.
Raniej, 23 lipienia, pra žetony «Urok miralubnaści» pisaŭ błohier Leanid Kahanaŭ. Pavodle jaho danych, žeton vyjšaŭ tyražom 5000 štuk.
«Vy nie niedačuli. Pamiatny. Manietny. Žeton. Nakładam 5000. U honar padziei, kali naš vajenny samalot padlacieŭ u mirny čas zanadta blizka da čužoha karabla, a toj nie staŭ u jaho stralać!» — adznačaŭ jon.
Havorka idzie pra incydent, jaki adbyŭsia 12 krasavika 2014 hoda ŭ Čornym mory, u niejtralnych vodach jakoha z 10 krasavika znachodziŭsia amierykanski eśminiec «Donald Kuk». Tady rasijski bambavik Su-24 ździejśniŭ blizki ablot eśminca, paśla čaho Pientahon abvinavaciŭ Rasiju ŭ parušeńni ŭłasnych tradycyj i mižnarodnych damovaŭ.
«Rasijskaja hazieta» pisała, što na borcie Su-24 nie było bombaŭ i rakiet, ale pad fiuzielažam visieŭ adzin kantejnier z kompleksam radyjoelektronnaj baraćby «Chibiny». Hazieta śćviardžała, što bambavik zbliziŭsia z sudnam i vyklučyŭ jaho infarmacyjna-kiravalnuju sistemu i srodki supraćpavietranaj abarony, paśla čaho 12 razoŭ zymitavaŭ rakietnuju ataku.
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1010
Kamientary