U Minskim rajonie zatrymali złačynnuju hrupu razukamplektoŭščykaŭ sučasnaj sielhastechniki

U Minskim rajonie zatrymana złačynnaja hrupa, členy jakoj śpiecyjalizavalisia na razukamplektavańni novych traktaroŭ.

Kradziažy adbyvalisia na terytoryi Minskaj, Mahiloŭskaj i Viciebskaj abłaściej.

Pavialičyć

Jak paviedamlaje UUS Minabłvykankama, z pačatku hoda na terytoryi troch abłaściej stali adbyvacca adnatypnyja kradziažy — złačyncy pranikali na terytoryju mašynnych dvaroŭ, jakija byli pad achovaj, i zdymali z traktaroŭ bartavyja kampjutary, mahnitoły i inšaje abstalavańnie.

Złačynstvy byli ździejśnieny padrychtavanymi ludźmi, tak jak adbyvalisia chutka i niezaŭvažna dla vartaŭnikoŭ.

Supracoŭniki kryminalnaha vyšuku UUS Minabłvykankama i Minskaha RUUS, praanalizavaŭšy isnujučyja adryvistyja źviestki, vyznačyli, što ŭ šerahu złačynstvaŭ niezadoŭha da ich ździajśnieńnia śviedki zaŭvažali aŭto šeraha koleru. U chodzie apieratyŭna-vyšukovych mierapryjemstvaŭ udałosia vyjści na śled ŭładalnika aŭto — 27-hadovaha žychara Minskaha rajona.

Nazirańnie za im paćvierdziła zdahadki — mienavita jon i 31-hadovy muž jahonaj siastry byli datyčnyja da ździajśnieńnia sieryi kradziažoŭ. Potym vyjaviŭsia i treci saŭdzielnik. Usie fihuranty byli zatrymanyja.

Ustanoŭlena, što zmoŭščyki razukamplektoŭvali tolki adnosna novyja traktary — nie starejšyja za 2012—2013 hh. vypusku. Kradziažy ŭ Viciebskaj i Mahiloŭskaj abłaściach ździajśnialisia ŭ tych nasielenych punktach, u jakich žyli svajaki abo siabry złamyśnikaŭ. Mužčyny zahadzia pryjazdžali ŭ nasieleny punkt, viali raźviedku, dzie znachodzicca miechdvor, jak achoŭvajecca, jakaja tam technika. Nočču pranikali na terytoryju z vykarystańniem prafiesijnaha instrumienta i, viedajučy kanstrukcyjnyja asablivaści traktaroŭ, chutka i nieprykmietna zdymali bartavyja kampjutary i inšaje kampaktnaje, ale darahoje abstalavańnie, paśla čaho ŭciakali.

Doma vykradzienaje nia zachoŭvałasia. Padazravanyja pracavali pa schiemie: nočču źniali — ranicaj pradali.

Realizoŭvali kampjutary prykładna za paŭcany ad ich koštu — u siarednim 150—200 dalaraŭ za adzinku, prybytak dzialili papałam. Varta adznačyć, što bartavyja kampjutary z traktaroŭ paśla minimalnaj madyfikacyi mohuć ŭstaloŭvacca na lubuju tiažkuju techniku, tamu znajści pakupnika nie ŭjaŭlała asablivaj składanaści. Ciapier apieratyŭniki kryminalnaha vyšuku ustaloŭvajuć asob, jakija majuć dačynieńnie da nabyćcia skradzienaj techniki.

U dačynieńni da zatrymanych raspačaty šerah kryminalnych spraŭ, viadziecca śledstva.

• 0
• 0
• 0
• 0
• 0
• 0
• 0
• 0