Rasija nikoli nie budzie vajavać ź Biełaruśsiu. Heta budzie katastrofa dla samoj Rasii, vykazaŭ mierkavańnie Łukašenka ŭ intervju pradstaŭnikam troch niedziaržaŭnych srodkaŭ masavaj infarmacyi.
«Rasija nikoli nie budzie vajavać ź Biełaruśsiu. Heta budzie katastrofa dla samoj Rasii. I vy ŭ heta nie vierycie, ja nie viedaju, čamu vy pra heta pišacie, što tam va Ukrainie, a my nastupnyja. Biełaruś zastałasia adzinym sumlennym prystojnym sajuźnikam Rasijskaj Fiederacyi, — zajaviŭ Łukašenka, adkazvajučy na pytańnie žurnalista «Svabody» Valera Kalinoŭskaha (cytuje Jeŭraradyjo). — Vaša biada ŭ tym, što vy nie viedajecie, što adbyłosia va Ukrainie i što adbyvajecca. ŚMI stvaryli niejki trend taho, što adbyvajecca va Ukrainie. Ja viedaju situacyju bolš hłyboka.
Nie treba było padstaŭlacca. Moža zaŭtra niechta zachacieŭ by adrezać kavałak Paleśsia. Vy ŭjaŭlajecie, jakoj była b maja reakcyja i našaha naroda? My b vajavali za kožny kavałačak ziamli.
Ja Turčynavu kazaŭ, što kali heta vaša ziamla, to čamu vy tady za jaje nie vajavali. Tym bolš tam było šmat ukrainskich vojskaŭ. Čamu nie vajavali? Što pryznali, što nie vaša ziamla? Zanadta šmat tam chitrasplacieńniaŭ i hłyboka zakapanyja pryčyny i taho, pra što nie pryniata kazać publična. Ale heta nie značyć, što my heta nie abmiarkoŭvajem ŭ zakrytym režymie».
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii3
Kamientary