Uviečary 9 žniŭnia 46-hadovy kiroŭca sportbajka «Jamacha», žychar Jamała, jechaŭ pa stajancy kafe «Karčma» ŭ Baranavičach, nie abraŭ biaśpiečnuju chutkaść ruchu i zvaliŭsia z matacykła, paviedamiŭ Intex-press inśpiektar DPS ADAI Baranavickaha RAUS Jaŭhien Krycki. Vidavočcy vyklikali DAI.
«Matacyklist paśla padzieńnia, nie čakajučy supracoŭnikaŭ Dziaržaŭtainśpiekcyi, vypiŭ śpirtnoje, a padčas razhladu pa fakcie DTZ admoviŭsia padparadkoŭvacca supracoŭnikam DAI. Na mužčynu nadzieli kajdanki i siłkom dastavili jaho ŭ Baranavicki RAUS», — raspavioŭ Jaŭhien Krycki.
Pa słovach inśpiektara DPS, matacyklist svaim dziejańniam nie davaŭ nijakich tłumačeńniaŭ. Na momant miedaśviedčańnia ŭ jaho vyjaŭlena 1,5 pramile ałkaholu.
Mužčyna, užyŭšy ałkahol da prachodžańnia ahladu, parušyŭ Praviły darožnaha ruchu. Za takoje parušeńnie, pa słovach Jaŭhiena Kryckaha, jamu pahražaje štraf da 18 młn rubloŭ (da 100 bazavych vieličyń). Pakarańnie za niepadparadkavańnie supracoŭnikam Dziaržaŭtainśpiekcyi vyznačyć sud
Kamientary