Ekśpierty Suśvietnaha banka prahnazujuć źnižeńnie suśvietnych cenaŭ na naftu na $10 za baral u 2016 hodzie paśla taho, jak ź Irana buduć kančatkova źniatyja ekanamičnyja sankcyi. Takija prahnozy apublikavanyja ŭ dakładzie mižnarodnaha finansavaha instytuta.
«Poŭnaje viartańnie Irana na suśvietny rynak u kančatkovym vyniku dadaść prykładna miljon baralaŭ nafty ŭ dzień, źniziŭšy ceny na $10 za baral u nastupnym hodzie», — havorycca ŭ paviedamleńni.
Vytvorčaść nafty ŭ Iranie značna pieravyšaje ŭnutranaje spažyvańnie, tamu vychad Tehierana na suśvietny rynak nafty niepaźbiežny, adznačajecca ŭ dakładzie.
«Roŭna jak i ŭzmacnieńnie žorstkaści sankcyj ŭ 2012 hodzie pryviało da rezkaha źnižeńnia ekspartu iranskaj nafty i dvuch hadoŭ admoŭnaj dynamiki, źniaćcie sankcyj, pa našych čakańniach, paskoryć ekspart i ažyvić ekanomiku», — kamientuje prahnoz hałoŭny ekanamist finansavaha instytuta pa Blizkim Uschodzie i Paŭnočnaj Afrycy Šanta Devarajan.
Admiena sankcyj taksama pavialičyć abjomy handlu isłamskaj respubliki i dasiahnie kala $ 17 młrd. Klučavymi handlovymi partniorami Irana, vierahodna, stanuć Vialikabrytanija, Indyja, Kitaj, Turcyja i Saudaŭskaja Aravija. Abjom zamiežnych inviestycyj, zhodna z prahnozam Suśvietnaha banka vyraście da $ 3 młrd u hod.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach11
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary