Avijacyjnyja ŭłady Indanezii zajaŭlajuć, što ŭ adnym z addalenych rajonaŭ pravincyi Papua znajšli abłomki samalota, źnikłaha siońnia z ekranaŭ radaraŭ. Ich vyjavili žychary adnoj ź viosak. Jany bačyli momant krušeńnia samalota.
Razam z tym, jak skazaŭ žurnalistam ministr transpartu Indanezii, pakul nie viadoma, ci zastaŭsia chto žyvy.
Pavodle papiarednich dadzienych, samalot urezaŭsia ŭ hory prykładna ŭ 25 km ad horada Aksibił. Hety rajon źjaŭlajecca ciažkadastupnym, tamu vyratavalnikam z nadychodam ciemry i z ulikam niespryjalnych umoŭ nadvorja daviałosia raniej prypynić pošukava-vyratavalnuju apieracyju.
Dla taho, kab dabracca niepasredna da miesca krušeńnia, pošukavym atradam spatrebicca pa mienšaj miery 3—4 hadziny.
Samalot ažyćciaŭlaŭ unutrany rejs. Suviaź z avijałajnieram była stračana ŭ rajonie indanezijskaj pravincyi Papua na miažy z Papua— Novaj Hviniejaj.
Na jaho borcie znachodzilisia 49 pasažyraŭ, u tym liku piaciora dziaciej, i piać členaŭ ekipaža.
Pavodle dadzienych Aviation Safety Network, avijakampanija Trigana Air za čas svajho isnavańnia z 1991 hoda straciła 10 samalotaŭ, usiaho zarehistravana 14 avijazdareńniaŭ. Jana znachodzicca ŭ «čornym śpisie» avijakampanij, jakim zabaroniena latać u Jeŭrasajuz ź mierkavańniaŭ biaśpieki.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary