Biełarusi nieabchodna ŭzmacniać paŭdniovyja miežy. Pra heta siońnia zajaviŭ Alaksandr Łukašenka, prymajučy z dakładam v.a. dziaržaŭnaha sakratara Rady biaśpieki Stanisłava Zasia i ministra abarony Andreja Raŭkova.
Kiraŭniku dziaržavy było paviedamlena pra situacyju va Uzbrojenych Siłach, pierš za ŭsio na paŭdniovych rubiažach. Alaksandr Łukašenka źviarnuŭ uvahu, što vakoł hetaj temy ŭ apošni čas zanadta šmat razmoŭ, u tak zvanaj apazicyjnaj presie tyja ci inšyja rečy padajucca tendencyjna.
«Tym nie mienš, my nie chavajem toje, što paŭdniovyja miežy nam treba ŭzmacniać. I nie tamu što my baimsia ŭkraincaŭ, što na nas tam niechta napadzie. My aścierahajemsia, kab u vyniku taho, što adbyvajecca va Ukrainie, nie paciahnulisia siudy roznaha rodu elemienty, nie patrebnyja ŭ Biełarusi, i asabliva zbroja. Heta nas pavinna zaŭsiody naściarožvać. Heta naša pytańnie, jakoje my pavinny vyrašać, za nas nichto jaho nie vyrašyć», — adznačyŭ Alaksandr Łukašenka.
Akramia taho, Łukašenku było paviedamlena ab tym, jak idzie aptymizacyja Uzbrojenych Sił. Uvaha akcentavałasia u tym liku na stvareńni novaha zbroi i novych vidaŭ ŭzbrajeńnia ŭ Biełarusi. Kiraŭnika dziaržavy cikaviła, ci ŭsio vykonvajecca pa paramietrach, jakija byli vyznačany niadaŭna na pasiadžeńni Rady biaśpieki.
Stanisłaŭ Zaś prainfarmavaŭ Alaksandra Łukašenku, što situacyja va Uzbrojenych Siłach Biełarusi stabilnaja. Adznačajecca ŭmacavańnie maralna-psichałahičnaha stanu ludziej, pamianšeńnie adtoku aficeraŭ, u tym liku maładych. Paśpiachova prajšła ŭ hetym hodzie ŭstupnaja kampanija ŭ Vajennaj akademii.
Kamientary