Kola Łukašenka raźvioz pieršuju partyju sabranaha ŭ «Drazdach uradžaju FOTY
Pieršaja partyja sabranaha na terytoryi aficyjnaj rezidencyi prezidenta Biełarusi «Drazdy» ŭradžaju pastupiła siońnia ŭ minskija Dom-internat dla piensijanieraŭ i invalidaŭ i Dziciačy haradok Leninskaha rajona.
Pra heta BiełTA paviedamiła pres-sakratar kiraŭnika dziaržavy Natalla Ejsmant.
Ekałahična čystuju pradukcyju — bulbu, ahurki, pamidory, kabački, dyni, kavuny, vyraščanyja kiraŭnikom dziaržavy, razvoziŭ jaho małodšy syn Mikałaj Łukašenka.
Dom-internat dla piensijanieraŭ i invalidaŭ nievypadkova byŭ abrany dla dastaŭki pieršaj partyi pradukcyi. U śniežni šefstva nad domam-internatam uziali vučni Astrašycka-Haradockaj ahulnaadukacyjnaj siaredniaj škoły, u jakoj vučycca Mikałaj Łukašenka. Z hetaha času školniki pastajanna naviedvajuć pažyłych ludziej, zaprašajuć da siabie ŭ hości, vystupajuć z mastackimi pastanoŭkami. Jak adznačyła Natalla Ejsmant, tut zastalisia vielmi rady vitaminnym haścincam.
U Dziciačym haradku taksama ź vialikim zadavalnieńniem pryniali pryviezienuju pradukcyju. Z 90 chłopčykaŭ i dziaŭčynak, jakija pražyvajuć tut, u ciapierašni čas u Minsku znachodziacca tolki 15, astatnija vyjechali na azdaraŭleńnie. Chłopcy praviali dla haściej nievialikuju ekskursiju, pakazali, jak jany žyvuć, čym zajmajucca ŭ volny čas, jak trenirujucca.
Kamientary