Napadnik pakončyŭ z saboj.
U amierykanskim štacie Virdžynija padčas žyvoha efiru byli zastrelenyja karespandentka i teleapieratar.
24-hadovaja reparciorka Elisan Parkier i 27-hadovy apieratar Adam Uard byli zabityja ŭ chodzie intervju ŭ horadzie Manieta, paviedamiła telekampanija WDBJ7.
Padčas žyvoha efiru było čuvać streły, paśla jakich reparciorka i žančyna, ź jakoj jana hutaryła, pabiehli.
Hubiernatar Virdžynii Tery Makalif zajaviŭ, što, pavodle jaho infarmacyi, napadnik — razzłavany supracoŭnik toj ža telekampanii Viester Li Fłanahan. «Heta nie teraryzm. Heta kryminalnaja sprava», — skazaŭ jon.
Fłanahan sprabavaŭ pakončyć z saboj u svajoj mašynie na šašy I-66 paśla palicejskaj pahoni, paviedamlajuć pradstaŭniki telekampanii.
U ciažkim stanie jaho dastavili ŭ balnicu štata Virdžynija, dzie jon nieŭzabavie pamior.
Pavodle paviedamleńnia telekampanii, žančyna, u jakoj brali intervju, była paranienaja.
Napad adbyŭsia ŭ 6.45 pa miascovym časie (10.45 pavodle Hrynviča) na terytoryi bujnoha handlovaha centra Bridgewater Plaza.
Parkier pačynała intervju, pryśviečanaje temie turyzmu, kali prahučali vosiem strełaŭ, paśla čaho kamiera nachiliłasia i ŭpała na ziamlu. Pry hetym było čuvać, jak reparciorka kryčyć. Kamiera zafiksavała ŭcioki padazravanaha — mužčyny ŭ čornych štanach i ciomna-siniaj kašuli, ź pistaletam u ruce.
Kryst Chiorst, kaleha zahinułaj Elisan Parkier, napisaŭ u svaim tvitary, što ŭ ich byŭ raman, jany tolki niadaŭna źjechalisia i źbiralisia ažanicca. 19 žniŭnia joj spoŭniłasia 24 hady.
Zahinuły apieratar taksama rychtavaŭsia da viasiella: uviesnu jon zrabiŭ prapanovu svajoj dziaŭčynie Mielisie Ot.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary