Prakuror paprasiŭ asudzić rasijanina Alaksandra Razumava, jaki abvinavačvajecca ŭ sprobie viarboŭki palicejskich u farmiravańni ŭkrainskaha «Pravaha siektara», na 8 hadoŭ kałonii. Sam Razumaŭ svaju vinu nie pryznaje i śćviardžaje, što jaho sudziać tolki za antyrasijskija vykazvańni ŭ sacsietkach.
Vystupajučy ŭ sieradu ŭ Maskoŭskim haradskim sudzie, prakuror paprasiŭ pryznačyć Razumavu 8 hadoŭ źniavoleńnia ŭ kałonii ahulnaha režymu i jašče dva hady abmiežavańnia voli paśla taho, jak toj adsiadzić.
26 žniŭnia Razumava pryznali vinavatym prysiažnyja.
Pavodle viersii Śledčaha kamiteta, ź jakoj pahadzilisia prysiažnyja, Razumaŭ u minułym hodzie jeździŭ va Ukrainu, dzie prachodziŭ bajavuju padrychtoŭku ŭ łahiery «Pravaha siektara» ŭ Čarnihaŭskaj vobłaści. Zatym, pa viartańni ŭ Rasiju, Razumaŭ, jak ličyć abvinavačvańnie, pasprabavaŭ zavierbavać u uzbrojenyja farmiravańnia «Pravaha siektara» dvuch palicejskich.
U samim «Pravam siektary», jaki ŭ Rasii pryznany ekstremisckim i dziejnaść jakoha zabaronienaja, zajavili, što Razumaŭ nikoli nie byŭ u šerahach arhanizacyi.
Kamientary