Siońnia adbyłasia telefonnaja razmova Alaksandra Łukašenki i Ŭładzimira Pucina na dziŭnavatuju temu.
Siońnia adbyłasia telefonnaja razmova Alaksandra Łukašenki i Uładzimira Pucina.
Jak paviedamlaje BIEŁTA, u čas hutarki byli abmierkavany pytańni «budaŭnictva sajuznaj dziaržavy», handlova-ekanamičnych adnosinaŭ, supracoŭnictva ŭ humanitarnaj sfery i ŭ halinie biaśpieki, uzhodnienyja dziejańni ŭ zamiežnaj palitycy, a taksama inšyja temy.
Adbyłasia detalovaja razmova ab perspektyvach budaŭnictva biełarusami abjektaŭ u Sočy, što rychtujucca prymać zimovyja Alimpijskija hulni.
Paviedamleńnie pres-słužby A. Łukašenki skančajecca šmatznačnym: «Alaksandar Łukašenka i Ŭładzimir Pucin abmierkavali taksama stan i perspektyvy raźvićcia adnosinaŭ Biełarusi z asobnymi zachodnimi dziaržavami».
Heta źviartaje na siabie ŭvahu, bo suverennyja dziaržavy abmiarkoŭvajuć z kiraŭnikami susiednich dziaržavaŭ svaje dačynieńni z trecimi krainami krajnie redka.
Zasłona sakretnaści, što akružaje ŭłady Biełarusi i Rasiei, nie dazvalaje pakul skazać, jakija «asobnyja dziaržavy» mielisia na ŭvazie i što kankretna parekamendavaŭ Uładzimir Pucin. Možna tolki zahadzia vykazać mierkavańnie, što heta była nadzvyčaj mudraja parada.
Kamientary