Pra heta ŭ jahonym błohu paviedamiŭ pres-sakratar, žurnalist Vasil Siamaška. Nahadajem, inicyjatyŭnuju hrupu Barsika sprabavali zarehistravać 20 lipienia, ale ŭ CVK skazali, što z katami ŭ Centrvybarkam nielha. Barsik nie adčajaŭsia, vyrašyŭ praciahvać aktyŭnaje palityčnaje žyćcio, zavioŭ błoh, staŭ jeździć pa rehijonach i sustrakacca z narodam.
28 žniŭnia Barsik znajomiŭsia z prablemami ahrapramysłovaha siektara Biełarusi. Razam sa svaim pres-sakratarom Vasilom Siamaškam i fatohrafam Hannaj Ivanovaj jon naziraŭ za uborkaj sielhaspradukcyi ŭ Maładziečanskim rajonie i hutaryŭ z rabotnikami siała pablizu ad svajoj letniaj rezidencyi — lecišča niedaloka ad Radaškovičaŭ.
Usio išło dobra, ale niečakana z Barsikam adbyłasia rezkaja źmiena nastroju, — sumna zhadvaje Vasil Siamaška. — Zvyčajna łahodny i spakojny kot raptam zrabiŭsia vielmi niervovym — staŭ šypieć, drapacca i vyryvacca z ruk.
Skočyŭ na ziamlu, i niejkaja «treciaja siła» imkliva zachapiła ŭ husty les, u huščary jakoha jon chutka źnik z pola zroku.
Les ŭjaŭlaje saboj prastakutnik pamieram 1ch2 km pry darozie Radaškovičy — Maładziečna praz 5 km ad pomnika ekipažu Hasteły. Ź inšaha boku lesu — pavarot na viosku Hraničy.
Ciaham 10 dzion pres-sakratar vioŭ aktyŭnyja pošuki źnikłaha palityka. Čatyry razy jon načavaŭ na miescy źniknieńnia, pakidajučy tam korm i vadu. Va ŭsich najbližejšych vioskach byli rasklejenyja abjavy z fatahrafijaj kandydata i abiacańniem ŭznaharodžańnia za dapamohu.
Rezidencyja-dača, dzie letam žyvie Barsik, znachodzicca ad miesca jaho źniknieńnia za 5 kiłamietraŭ pamiž vioskami Navasiołki i prypynačnym punktam elektryčki Bajary.
U ciopły čas hoda, zvykły da žyćcia na dačy kot, siłkujučysia myšami i inšaj drobnaj dzičynaj, pražyvie ŭ lesie lohka. Ale Barsik pa charaktary pryjazny svojski kot, jaki lubić kantakty ź ludźmi.
Niebiaśpieku dla kata ŭ tych umovach, akramia biełaruskich śpiecsłužbaŭ, ujaŭlajuć sabaki, vielizarnyja jastraby i ažyŭlenaja aŭtadaroha Radaškovičy — Maładziečna.
Asablivyja prykmiety — žoŭty ašyjnik.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary