Siamihadovaja dziaŭčynka zahinuła pry pažary ŭ šmatpaviarchoŭcy ŭ Viciebsku, paviedamili BIEŁTA u abłasnym upraŭleńni MNS.
Rańniaj ranicaj 13 vieraśnia ŭ słužbu vyratavańnia pastupiła kala 20 paviedamleńniaŭ ab pažary pa pr-cie Budaŭnikoŭ u šmatpaviarchovym domie. Da miesca zdareńnia było nakiravana 5 adzinak śpiectechniki MNS.
Da momantu ich prybyćcia na piatym paviersie nazirałasia adkrytaje hareńnie ŭ kvatery. Na momant uźniknieńnia pažaru ŭnutry znachodzilisia 26-hadovyja muž i žonka z dvuma dziećmi i hość, znajomy haspadaroŭ.
Muž z žonkaj i čatyrochhadovym synam spali ŭ spalnym pakoi, a 7-hadovaja dziaŭčynka — u dziciačym.
Sa słoŭ baćkoŭ, jany pračnulisia ad krykaŭ dački, usie pakoi byli mocna zadymlenyja. Jany ŭziali syna i pakinuli kvateru.
Baćka sprabavaŭ zajści ŭ pakoj dački, ale nie zmoh vyratavać dzicia z-za adkrytaha ahniu i mocnaha zadymleńnia. Znajomy taksama sprabavaŭ likvidavać hareńnie, ale biezvynikova.
Rabotniki MNS znajšli cieła dziaŭčynki kala łožka ŭ dziciačym pakoi.
Haspadar kvatery z atručvańniem praduktami hareńnia špitalizavany ŭ abłasnuju balnicu.
Pryčyna pažaru vyśviatlajecca. Mierkavana ačah pažaru znachodziŭsia ŭ dziciačym pakoi. Va ŭsich pakojach źniščana majomaść, zakurany ścieny, stol.
Ciapier čytajuć
Aryštavali byłoha pamočnika Michaiła Miaśnikoviča9
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary