Kandydat u prezidenty Taćciana Karatkievič źviarnułasia ŭ Centralnuju kamisiju pa vybarach i praviadzieńni respublikanskich refierendumaŭ z prośbaj dać joj efirny čas, nie vykarystany inšym kandydatam, Alaksandram Łukašenkam.
U jakaści abhruntavańnia Karatkievič pryvodzić vykazvańnie Łukašenki padčas naviedvańnia 25 vieraśnia Biełaruskaha mietałurhičnaha zavoda: «Tamu, kali kamuści treba, ja mahu jamu padaravać hety čas. Ale, samaje cikavaje, jany nie chočuć bolš».
«Paśla dvuch vystupleńniaŭ na TB Taćciany Karatkievič byli šmatlikija zvaroty hramadzian z prośbaj vystupić jašče i raskazać pra roznyja prablemy, jakija jość siońnia ŭ Biełarusi, i prapanavać šlachi ich vyrašeńnia», — havorycca ŭ zvarocie.
Kožny kandydat u prezidenty maje prava na dva 30-chvilinnyja vystupleńni pa telebačańni i na dva 30-chvilinnyja vystupleńni pa radyjo. Łukašenka, jak i na vybarach 2010 hoda, svoj čas nie vykarystaŭ. U piatnicu na BMZ jon zajaviŭ, što moža vystupić sa zvarotam da naroda napiaredadni hałasavańnia.
Kamientary