Jeŭrapiejski bank rekanstrukcyi i raźvićcia pryniaŭ rašeńnie ab vydzialeńni Ukrainie 300 miljonaŭ dalaraŭ na zapampoŭku hazu ŭ schoviščy dla taho, kab kraina zmahła spakojna pieražyć asieńnie-zimovy siezon.
«Kredyt budzie sadziejničać umacavańniu enierhietyčnaj biaśpieki Ukrainy šlacham dyviersifikacyi pastaŭščykoŭ pryrodnaha hazu i maršrutaŭ dastaŭki», — havorycca ŭ paviedamleńni banka.
Na dumku dyrektara JEBRR pa enierhietycy i pryrodnych resursaŭ Rykarda Pulici, finansavaja dapamoha zaklikanaja stymulavać reformy ŭ hazavym siektary Ukrainy, častkaj jakich pavinna stać vialikaja prazrystaść i efiektyŭnaść pracy ŭkrainskaha «Naftahaza».
Raniej premjer-ministr Ukrainy Arsienij Jacaniuk paviedamiŭ, što na rachunkach «Naftahaza» užo jość 500 młn dalaraŭ na zapampoŭku rasijskaha hazu ŭ padziemnyja schoviščy.
«500 miljonaŭ dalaraŭ ZŠA ŭžo ciapier znachodziacca na bankaŭskim rachunku NAK «Naftahaz», i my hatovyja da taho, kab zapampavać hety haz. […] My raźličvajem, što Saviet dyrektaraŭ JEBRR prymie rašeńnie ab vydzialeńni Ukrainie dadatkova 300 miljonaŭ dalaraŭ ZŠA na toje, kab zakupić haz dla patreb ukrainskaj ekanomiki na zachodniaj miažy. Kali takoje rašeńnie budzie ŭchvalenaje, «Naftahaz» pa pracedurach JEBRR praviadzie tender, kab na 300 miljonaŭ dalaraŭ nabyć haz — mienavita na zachodniaj miažy», — kazaŭ Jacaniuk.
25 vieraśnia Rasija, Ukraina i Jeŭrapiejski sajuz parafiravali pahadnieńnie, jakoje pavinna zabiaśpiečyć pastaŭki rasijskaha hazu va Ukrainu ŭ zimovy pieryjad.
Kamientary