Pryznańnie de-fakta jadziernaha statusu KNDR nieprymalna dla Rasii, zajaviŭ namieśnik ministra zamiežnych spraŭ Rasii Ihar Marhułaŭ ŭ intervju paŭdniovakarejskamu infarmahienctvu «Jonchap».
«Heta nieprymalna dla Rasii jak adnaho z architektaraŭ i depazitaryjaŭ damovy ab nieraspaŭsiudžvańni jadziernaj zbroi», — skazaŭ Marhułaŭ.
Marhułaŭ vykazaŭ mierkavańnie, što «realnaje rašeńnie (prablemy) mahčyma tolki ŭ kantekście ahulnaj vajenna-palityčnaj razradki ŭ rehijonie Paŭnočna-Uschodniaj Azii, što moža być pry farmiravańni nadziejnych harantyj biaśpieki ŭsich raźmieščanych tut dziaržaŭ, uklučajučy KNDR». «Heta vyklučyć samu patrebu dla Pchieńjana ŭ vałodańni zbrojaj masavaha paražeńnia», — dadaŭ jon.
Kamientary