9 žniŭnia namieśnica kiraŭnika Suražskaha lashasa ŭ Viciebskim rajonie Lilija Krasoŭskaja razam ź siamjoj padčas prahułki ŭ lesie znajšła redki dla Biełarusi hryb — «zub djabła», abo Hidnełum Pieka. U paŭnočnym rehijonie krainy jaho zaŭvažyli ŭpieršyniu, piša «SB — Biełaruś siehodnia».
Hryb adrazu kinuŭsia ŭ vočy z-za biełaha kapialušyka ź jarka-čyrvonymi kroplami, jakija ŭtvarajucca ŭ pracesie hutacyi. Hetyja kropli ŭtrymlivajuć pihmient atramiencin z antybakteryjnymi ŭłaścivaściami.
Hryb nie jadomy praz svaju mocnuju horyč, ale jon nie atrutny; u narodnaj miedycynie jahony nastoj vykarystoŭvajuć, naprykład, pry lačeńni siniakoŭ.
Hidniełum Pieka raście pieravažna ŭ kisłaj hlebie chvojnych i źmiašanych lasoŭ, najčaściej u Paŭnočnaj Amierycy i Jeŭropie, značna radziej u Azii. U Biełarusi sustrakajecca vielmi redka, tamu kožnaja znachodka cikavić i hrybnikoŭ, i vučonych.
Akramia taho, u toj ža dzień siamja ŭbačyła i sfatahrafavała jašče adzin redki ekzemplar z charakternaj karyčnievaj pustoj nožkaj — kaštanavy hryb. Raniej jon vysoka caniŭsia za smakavyja jakaści, asabliva ŭ sušanym vyhladzie, a ciapier adnosicca da čyrvanaknižnych.
Ciapier čytajuć
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał3
Kamientary