Zakliki da bajkotu vybaraŭ razdajucca z boku niaŭdačnikaŭ, zajaviła siońnia kiraŭnik Centrvybarkama Lidzija Jarmošyna ŭ prahramie «Aktualny mikrafon» na Pieršym nacyjanalnym kanale Biełaruskaha radyjo.
Kažučy pra zaklik da bajkotu prezidenckich vybaraŭ, staršynia CVK, u pryvatnaści, adznačyła: «Heta zabaroniena zakanadaŭstvam, ale, tym nie mienš, u toj ci inšaj formie takija zakliki razdajucca. Jany razdajucca z boku niaŭdačnikaŭ».
Pa słovach Lidzii Jarmošynaj, takuju rytoryku možna pačuć ad adnaho z kandydataŭ na najvyšejšuju dziaržaŭnuju pasadu (ŭdzielničaŭ u vybarčaj kampanii ŭ 2015 hodzie) i jašče niekalkich pradstaŭnikoŭ apazicyi, jakija «nie mohuć udzielničać u vybarach pa tych ci inšych pryčynach ci nie chočuć hetaha».
«Ja adrazu mahu skazać, što heta nie tolki niezakonna, heta biezadkazna. Darosłyja mužčyny, jakija vydatna viedajuć, što praviadzieńnie vybaraŭ — nieabchodnaść dla kožnaj dziaržavy, viedajuć, jakija vialikija srodki ŭkładzieny ŭ dadzienuju vybarčuju kampaniju (jak i ŭ lubuju inšuju) i što ad vybaraŭ zaležyć stabilnaść i dabrabyt našaha hramadstva, jany prosta nie majuć prava da takoj stupieni zabycca, stracić pačućcio realnaści i adkaznaści, kab zaklikać nie prychodzić na vybary», — miarkuje staršynia CVK.
Kamientary