Prezident Ukrainy pravioŭ sustreču ź lidarami frakcyj ŭ Viarchoŭnaj Radzie i painfarmavaŭ ich ab chodzie i vynikach pieramoŭ «Narmandskaj čaćviorki», jakija adbylisia 2 kastryčnika ŭ Paryžy.
Pra heta paviedamiła Administracyja prezidenta Ukrainy.
«Jość infarmacyja, što zaŭtra [6 kastryčnika] bajeviki abvieściać ab admienie psieŭdavybaraŭ 18 kastryčnika i 1 listapada», — pra heta kiraŭnikam frakcyj paviedamiŭ Parašenka.
Parašenka adznačyŭ, što «nie isnuje inšaha šlachu ŭrehulavańnia kryzisu na Danbasie, čym praviadzieńnie sapraŭdnych vybaraŭ, jakija pavinny adbycca pa ŭkrainskim zakanadaŭstvie i adpaviadać usim kryteram ABSIE».
Pry hetym Parašenka padkreśliŭ pryncypovuju pazicyju ab abaviazkovym udziele ŭkrainskich palityčnych partyj, pryciahnieńni Centralnaj vybarčaj kamisii, bieśpieraškodnaj dziejnaści ŭkrainskich srodkaŭ masavaj infarmacyi i pradastaŭleńnie mahčymaści časova pieramieščanym asobam Danbasa prava ŭdziełu ŭ hetych vybarach.
U sustrečy z kiraŭnikami parłamienckich frakcyj taksama ŭziali ŭdzieł Staršynia Viarchoŭnaj Rady, premjer-ministr i sakratar rady nacyjanalnaj biaśpieki i abarony.
Kamientary