Razhlad kasacyjnaj skarhi Michaiła Žamčužnaha adkładzieny pa nieviadomych pryčynach
Pasiedžańnie pavinna było prajści ranicaj 6 kastryčnika ŭ Viarchoŭnym sudzie Respubliki Biełaruś.
Pra toje, što pasiadžeńnie adkładziena, paviedamiła pravaabaronca Ludmiła Hraznova sa spasyłkaj na advakata Viačasłava Praskałoviča. Spravu adkłali, bo Žamčužny nie byŭ dastaŭleny ź viciebskaha izalatara. Pryčyny hetaha pakul nieviadomyja.
«Ale kali razhladali kasacyjnuju skarhu pa spravie Bandarenki, to sam Bandarenka nie prysutničaŭ na pasiadžeńni. Tamu ja miarkuju, što adsutnaść na pracesie Michaiła Žamčužnaha nie źjaŭlajecca realnym tłumačeńniem čamu adkłali razhlad spravy», - vykazała svaju dumku Hraznova.
Nahadajem, što Michaił Žamčužny, zasnavalnik pravaabarončaj arhanizacyi «Płatform innavejšn», u lipieni atrymaŭ 6 hadoŭ pazbaŭleńnia voli. Sud pryznaŭ jaho vinavatym u padbuchtorvańni da naŭmysnaha razhałašeńnia słužbovaj tajny; u niezakonnym nabyćci ŭ metach zbytu i zbycie śpiecyjalnych techničnych srodkaŭ, pryznačanych dla sakretnaha atrymańnia infarmacyi, a taksama ŭ zamachu na daču chabaru.
Sam Žamčužny vinu nie pryznaje, zajaŭlaje, što spravu suprać jaho sfabrykavali. Pryčynaj nibyta stała jaho pravaabarončaja dziejnaść. Ale ab joj nie nadta viedajuć navat inšyja viciebskija pravaabaroncy.
Darečy, u 2007 hodzie Žamčužny ŭžo byŭ asudžany na piać hadoŭ pazbaŭleńnia voli. Pa słovach jaho kalehaŭ, sprava była źviazana z machinacyjami ŭ navukovaj śfiery.
-
«Historyja nie vyklikaje davieru». Polšča pieradała Litvie spravu ab mižnarodnaj abaronie biełaruski, jakaja časta jeździła ŭ kamandziroŭki
-
Nie tolki lehiendarny «Supier 8». Jakija jašče atrakcyjony nie buduć pracavać u Minsku ŭ hetym siezonie
-
Cichanoŭskaja pra vysyłku ź Biełarusi ŭ žniŭni 2020: Mnie dali na zbory 20 chvilin
Kamientary