Разгляд касацыйнай скаргі Міхаіла Жамчужнага адкладзены па невядомых прычынах
Паседжанне павінна было прайсці раніцай 6 кастрычніка ў Вярхоўным судзе Рэспублікі Беларусь.
Пра тое, што пасяджэнне адкладзена, паведаміла праваабаронца Людміла Гразнова са спасылкай на адваката Вячаслава Праскаловіча. Справу адклалі, бо Жамчужны не быў дастаўлены з віцебскага ізалятара. Прычыны гэтага пакуль невядомыя.
«Але калі разглядалі касацыйную скаргу па справе Бандарэнкі, то сам Бандарэнка не прысутнічаў на пасяджэнні. Таму я мяркую, што адсутнасць на працэсе Міхаіла Жамчужнага не з’яўляецца рэальным тлумачэннем чаму адклалі разгляд справы», - выказала сваю думку Гразнова.
Нагадаем, што Міхаіл Жамчужны, заснавальнік праваабарончай арганізацыі «Платформ іннавэйшн», у ліпені атрымаў 6 гадоў пазбаўлення волі. Суд прызнаў яго вінаватым у падбухторванні да наўмыснага разгалашэння службовай тайны; у незаконным набыцці ў мэтах збыту і збыце спецыяльных тэхнічных сродкаў, прызначаных для сакрэтнага атрымання інфармацыі, а таксама ў замаху на дачу хабару.
Сам Жамчужны віну не прызнае, заяўляе, што справу супраць яго сфабрыкавалі. Прычынай нібыта стала яго праваабарончая дзейнасць. Але аб ёй не надта ведаюць нават іншыя віцебскія праваабаронцы.
Дарэчы, у 2007 годзе Жамчужны ўжо быў асуджаны на пяць гадоў пазбаўлення волі. Па словах яго калегаў, справа была звязана з махінацыямі ў навуковай сферы.
Цяпер чытаюць
Арыштаваны чыноўнік, які мог стаць наступным міністрам аховы здароўя10
Каментары