Andrej Dźmitryjeŭ: Dziaržaŭnyja ŚMI robiać svaju rabotu biez dvajnoha dna
Kiraŭnik štaba Taćciany Karatkievič vysoka acaniŭ aśviatleńnie vybarčaj kampanii ŭ łukašenkaŭskich ŚMI. «Upieršyniu niezaležnamu, alternatyŭnamu kandydatu treba nie abaraniacca ad ich, nie čakać padvochu, a ščylna supracoŭničać. Z nami ŭvieś čas na suviazi i presa, i telebačańnie. Jany robiać svaju rabotu biez dvajnoha, što nazyvajecca, dna», — skazaŭ Dźmitryjeŭ u intervju «Sovietskoj Biełoruśsii».
Tuju častku biełaruskaj apazicyi, jakaja vystupiła za bajkot vybaraŭ, Dźmitryjeŭ nazvaŭ «havorača-hrymiačaj».
Jon taksama daŭ zrazumieć, što Karatkievič nie raźličvaje na pieramohu. «2015-y — zusim nie zaviaršeńnie, a etap u našaj stratehii», — skazaŭ Dźmitryjeŭ. «12 kastryčnika — pieršy dzień nastupnaj vybarčaj kampanii».
Kamientary