Vierchniaja pałata kanhresa ZŠA pryniała zakonaprajekt ab vydatkach na abaronu na 2016 hod, u jakim praduhledžana vydzialeńnie 300 młn dalaraŭ na vajennuju dapamohu Ukrainie, paviedamiŭ pasoł Ukrainy ŭ ZŠA Valeryj Čały.
Pa słovach Čałaha, dakumient dazvalaje ministru abarony ZŠA ŭ kaardynacyi ź dziaržaŭnym sakratarom akazać vajennuju dapamohu na hetuju sumu.
«50 młn dalaraŭ z nazvanaj sumy moža być vykarystana dla pradastaŭleńnia našaj krainie abarončych uzbrajeńniaŭ», — rastłumačyŭ Čały na svajoj staroncy ŭ «Fejsbuku».
U pryvatnaści, Kijevu mohuć być pieradadzieny bieśpiłotniki, srodki suviazi i radyjoelektronnaj baraćby. Častka srodkaŭ moža być nakiravana na navučańnie ŭkrainskich vajskoŭcaŭ.
Ahulny abjom vajennych vydatkaŭ ZŠA na budučy hod, zhodna z dakumientam, składzie 612 młrd dalaraŭ.
600 młn dalaraŭ dazvolena vydzielić dla finansavańnia prahramy navučańnia bajcoŭ umieranaj siryjskaj apazicyi, jašče 715 młn praduhledžana dla dapamohi irakskaj armii ŭ baraćbie z ekstremisckim rucham «Isłamskaja dziaržava».
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam16
Kamientary