Karatkievič: My čakajem pieramohi, čakajem dvuchznačnaj ličby i druhoha tura
Taćciana Karatkievič prahałasavała a 12-j hadzinie sama za siabie.
Na ŭčastak jana pryjšła razam z mužam. Karatkievič vyjšła z kabinki i pakazała biuleteń žurnalistam. U im nasuprać jaje proźvišča stajała tłustaja «ptušačka». Zatym jana sfatahrafavała biuleteń na mabilnik i pakłała ŭ skryniu.
«My čakajem pieramohi, čakajem dvuchznačnaj ličby i druhoha tura, — paviedamiła Karatkievič na biełaruskaj movie. – Na płošču ja klikać nie budu, bo, pa-pieršaje, nie ŭpeŭnienaja, što mahu zabiaśpiečyć biaśpieku ludziam. A pa-druhoje, vierahodnyja pravakacyi ad inšych sił».
Nievierahodnaja jaŭka na daterminovym hałasavańni – heta, pa jaje słovach, «strach ułady pierad druhim turam».
Paśla hałasavańnia Taćciana pajedzie da syna, jaki hulaje ŭ pijanierboł. Zatym, pa jaje słovach, budzie ŭ horadzie.
«Pra ličbu, jakaja atrymajecca, kazać nie mahu. Ale za mirnyja pieramieny prahałasuje šmat ludziej», — zapeŭniła Karatkievič.
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie19
Kamientary