Mahistralny hazapravod «Kišynioŭ—Unhieny», jaki kančatkova złučaje transpartnyja sistemy Małdovy i Rumynii praz pabudavany raniej hazapravod «Unhieny-Jasy», budzie zdadzieny ŭ ekspłuatacyju ŭ mai 2018 hoda.
Pra heta na pres-kanfierencyi ŭ Kišyniovie zajaviŭ namieśnik ministra ekanomiki Małdovy Valeryu Tryboj.
«Na nastupnym tydni ŭ ramkach mižuradavaj małdaŭska-rumynskaj kamisii pa ekanamičnym supracoŭnictvie my abmiarkujem pytańnie paskareńnia budaŭnictva hazapravoda «Kišynioŭ—Unhieny» z tym, kab ukłaścisia ŭ abumoŭlenyja raniej terminy zdačy ŭ ekspłuatacyi abjekta — maj 2018», adznačyŭ Tryboj.
Pa papiarednich dadzienych, ahulny košt hazapravoda składzie bolš za 83 miljonaŭ jeŭra, 10 młn ź jakich buduć vydzieleny Jeŭrasajuzam. Praciah «hazavaj truby» — krychu bolš za 100 km.
Jak paviedamlaŭ Ukrinfarm, u žniŭni 2014 byŭ zdadzieny ŭ ekspłuatacyju pieršy małdaŭska-rumynski hazapravod «Unhieny-Jasy», jakim Małdova pačała atrymlivać haz z Rumynii. Jaho mahutnaść składzie 1,5 miljarda kubamietraŭ hazu ŭ hod, što istotna pieravysić hadavyja abjomy spažyvanaha Małdovaj pryrodnaha hazu.
Kamientary