Kiraŭnik Niderłandskaj rady pa biaśpiecy paviedamiŭ, što «Boinh» rejsa MH17 byŭ źbity rakietaj ź zienitnaha kompleksu «Buk», ustalavanaha na terytoryi, padkantrolnaj sieparatystam.
Reuters.com
Małajzijski «Boinh», jaki ruchaŭsia rejsam MH17 17 lipienia 2014 h., byŭ źbity rakietaj, zapuščanaj z rajona na ŭschodzie Ukrainy, jaki znachodziŭsia ŭ toj momant pad kantrolem sieparatystaŭ. Pra heta zajaviŭ u aŭtorak, 13 kastryčnika, kiraŭnik Niderłandskaj rady pa biaśpiecy Tejbie Jaŭstra.
«Heta była vobłaść, dzie miežy zrušvalisia, ale hetuju vobłaść kantralavali prarasijskija sieparatysty», — zajaviŭ Jaŭstra ŭ televizijnym intervju, jak pieradaje ahienctva dpa.
Raniej u toj ža dzień ekśpiert pradstaviŭ hramadskaści dakład pa vynikach rasśledavańnia pryčyn hibieli pasažyrskaha samalota, što paciarpieŭ katastrofu 17 lipienia 2014 u Danbasie.
U dakładzie padkreślivałasia, što łajnier byŭ źbity ź zienitnaha rakietnaha kompleksu «Buk», zroblenaha ŭ Rasii, adnak nie było paznačana, pad čyim kantrolem znachodziłasia terytoryja płoščaj ŭ 320 hiektaraŭ, identyfikavanuju ekśpiertami jak vobłaść zapusku rakiety.
U toj ža dzień pradstaŭniki mižnarodnaj śledčaj hrupy, jakaja viadzie kryminalnuju rasśledavańnie pa spravie ab źbitym małajzijskim «Boinhu», zajavili ab identyfikacyi «koła asob, jakija pryciahnuli asablivuju ŭvahu śledstva».
Kamientujučy publikacyju spravazdačy Niderłandskaj rady pa biaśpiecy, pradstaŭniki śledčaj hrupy padkreślili, što atrymanyja ŭ chodzie niezaležnych adzin ad adnaho rasśledavańniaŭ źviestki «pakazvajuć u adnym i tym ža kirunku», pieradaje ahienctva Reuters.
Načalnik milicyi Brahina stralaŭ u svaju žonku. Jana cudam vyžyła9
Kamientary