Brazilskaja palicyja pačała papiaredniaje rasśledavańnie parušeńniaŭ padčas minułahodniaj vybarčaj kampanii prezidenta krainy Dyłmy Rusief.
Jak paviedamlajuć u pres-słužbie palicyi, sprava ŭ dačynieńni da Rusief było adkryta jašče 7 kastryčnika, paśla adpaviednaj pastanovy Viarchoŭnaha suda.
Śledčym treba vyśvietlić, ci sapraŭdy Rusief i vice-prezident Mišel Temier padčas kampanii 2014 hoda za pieravybrańnie Rusief, złoŭžyvali paŭnamoctvami. Taksama śledčyja pravierać krynicy finansavańnia kampanii.
U vypadku, kali prezidenta paličać vinavataj, jaje pieramoha na kastryčnickich vybarach minułaha hoda moža być anulavana.
Pradstaŭniki prezidenta sprava pakul nie kamientavali.
Dyłma Rusief na radzimie zamiašanaja ŭ karupcyjnym skandale vakoł enierhietyčnaj kampanii Petrobras, radu dyrektaraŭ jakoj jana ŭznačalvała z 2003 pa 2010 hod.
Pa spravie ab karupcyi ŭ Petrobras prachodziać kala 150 čałaviek, u tym liku vysokapastaŭlenych palitykaŭ, jakich padazrajuć u atrymańni chabaraŭ za padpisańnie kantraktaŭ.
I Rusief, i jaje partyja admaŭlajuć jaje ŭciahnutaść ŭ karupcyjny skandał.
-
Letni samit G7 pieraniasuć, kab dać Trampu adśviatkavać jubilej
-
«Mnie nie patrebna mižnarodnaje prava — u mianie niama namieru pryčyniać ludziam škodu». Tramp patłumačyŭ, navošta jamu Hrenłandyja
-
Masavyja pratesty ŭ Iranie praciahvajucca. Pratestoŭcy zaklikajuć da źviaržeńnia ajatały Ali Chamieniei i viartańnia Rezy Piechlevi
Kamientary