Karatkievič u Bruseli: Viadoma, my zadavolenyja vynikami vybaraŭ
Były kandydat na pasadu prezydenta BiełarusiTaciana Karatkievič praviała šerah sustrečaŭ u Bruseli z daradcami Eŭrapiejskaha parlamentu. Paśla sustrečaŭ jana adkazała na pytańni karespandenta Svabody.
Radyjo Svaboda: Jak Vy ŭsprymajecie vyniki vybaraŭ i ci zadavolenaja Vy hetymi vynikami?
Taciana Karatkievič: Kaniečnie, zadavolenaja, tamu što Taciana Karatkievič — heta novy palityk, jaki atrymaŭ padtrymku ŭ pieršuju čarhu tych ludziej, pra jakich my siońnia kažam «novaja bolšaść». Pa pratakołach našych naziralnikaŭ z «Prava vybaru» ja mieła vielmi žyvyja ličby — ad 15 da 35 adsotkaŭ. My taksama ličym pośpiecham toje, što my pradstavili alternatyŭnuju ideju i prahramu mirnych pieramienaŭ. My taksama daviali da ludziej, što Biełaruś pavinna być neŭtralnaj, i my ličym, što heta naša zasłuha, bo my ŭklučyli hety punkt u prahramu i davodzili da ludziej hetuju temu. I kaniečnie my ličym pośpiecham toje, što my mabilizavali hramadzianaŭ na toje, kab jany cikavilisia palitykaj. Siońnia jany kažuć, što hatovyja dalej nas padtrymlivać, cikaviacca, jaki ŭ nas plan dziejańniaŭ i što my źbirajemsia rabić.
Radyjo Svaboda: Jak Vy aceńvajecie toje, što Eŭraźviaz prypyniaje sankcyi? Na Vašu dumku, ci heta dobraja ideja, ci ad hetaha vyjhraje tolki Łukašenka?
Taciana Karatkievič: Dla mianie hałoŭnaje ŭ hetym kroku, jaki zrabiŭ Eŭraźviaz, — heta mahčymaść našaj krainie raźvivacca. Kali toje, što prypyniacca sankcyi, budzie ŭpłyvać na toje, kab adbylisia reformy ŭ ekanomicy i ŭ palityčnaj sfery, adukacyi, dyk heta budzie dobra dla krainy, jakaja siońnia znachodzicca ŭ kryzisie. Ale my taksama ličym važnym dla Eŭrapiejskaha Źviazu padtrymlivać dva kirunki supracy ź Biełaruśsiu. Pieršaje heta aficyjnaja ŭłada, a druhoje heta hramadzianskaja supolnaść. Tamu što sapraŭdy ŭstojlivaje raźvićcio moža zabiaśpiečyć tolki raźvitaja hramadzianskaja supolnaść. My ličym, što varta zasiarodzicca na hetych dvuch kirunkach supracy i stvarać jak maha bolš mahčymaściaŭ, kab hetyja kirunki pierasiakalisia, kab byŭ sapraŭdny dyjaloh.
Ciapier čytajuć
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary