Biełaruski PEN-centr nadaŭ zvańnie hanarovaha siabra piaci dziejačam kultury i miecenatam.
Siarod ich Pavieł Bierahovič — fundatar šmatlikich kulturnych prajektaŭ, Siarhiej Žadan — ukrainski paet, eseist i pierakładčyk, Alaksandr Irvaniec — ukrainski piśmieńnik i pierakładčyk, Hienrych Kiršbaŭm — niamiecki litaraturaznaŭca-słavist i Maryja Sioderbierh — šviedskaja piśmieńnica, žurnalistka i pramoŭtarka biełaruskaj litaratury ŭ Šviecyi.
Pra heta paviedamlajecca ŭ pres-relizie piśmieńnicka-žurnalisckaj arhanizacyi.
Na siońnia ŭ Biełaruski PEN-centr uvachodziać 20 hanarovych siabroŭ. Usie jany — piśmieńniki, pierakładčyki, hramadskija dziejačy, navukoŭcy, miecenaty, jakija źjaŭlajucca hramadzianami inšych krainaŭ, padtrymlivajuć ciesnyja suviazi ź Biełaruśsiu i robiać uniosak u raźvićcio biełaruskaj kultury. Hanarovymi siabrami Biełaruskaha PEN-centra źjaŭlajucca, da prykładu, patryjarchi biełaruskaj dyjaspary ŭ ZŠA Janka Zaprudnik, Vitaŭt Kipiel, brytanski litaraturaznaŭca Arnold Makmilin, polski pierakładčyk Adam Pamorski.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary