Raspad SSSR źjaŭlajecca trahiedyjaj XX stahodździa. Takuju zajavu na pasiadžeńni dyskusijnaha kłuba «Vałdaj» u čaćvier, 22 kastryčnika, zrabiŭ prezident Rasii Uładzimir Pucin.
«Ja praciahvaju nastojvać, što heta [raspad Savieckaha Sajuza] trahiedyja, i, pierš za ŭsio, humanitarnaha charaktaru — voś ja pra što kazaŭ», - skazaŭ Pucin.
«U vyniku raspadu SSSR 25 młn etničnych ruskich apynulisia za miažoj nie pa svajoj voli, i, jak u nas u narodzie kažuć, umomant», — patłumačyŭ prezident. «Paŭtaru svoj tezis ab tym, što ruski narod apynuŭsia samym vialikim padzielenym narodam u śviecie. I heta, biezumoŭna, trahiedyja», — dadaŭ jon.
Taksama, pavodle jaho słoŭ, u vyniku razvału SSSR «raspałasia sacyjalnaja sistema, ekanomika abrynułasia». «Raniejšaja, małaefiektyŭnaja, ale jana pavaliłasia, pryviała da žabractva miljonaŭ ludziej», — zajaviŭ Pucin. «I heta taksama trahiedyja — i dla kankretnych ludziej, i dla kankretnych siemjaŭ», — reziumavaŭ rasijski lidar.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary