Pra heta sa spasyłkaj na kiraŭnika nacyjanalnaj naftavaj kampanii Petróleos Paraguayos (Petropar) Romuła Kamposa pišuć parahvajskija ŚMI.
Pavodle jaho słoŭ, Petropar padpisała dva miemarandumy ab uzajemaparazumieńni: adzin — z «Hazpromam», druhi — z «Biełarusnaftaj». Metaj źjaŭlajecca farmiravańnie z hetymi kampanijami kansorcyuma dla pošuku vuhlevadarodaŭ u paŭpustyni Čaka. Parahvaj zaležyć ad pastavak nafty i hazu z susiednich krain i vialikaje značeńnie nadaje pošuku radoviščaŭ na svajoj terytoryi. Ab mahčymaj najaŭnaści ŭ Čaka zapasaŭ nafty było abvieščana jašče ŭ 2006 hodzie, ale nieabchodna pravieści adpaviednuju siejsmavyviedku.
«Budziem spadziavacca, što my znojdziem z hetaj kampanijaj («Biełarusnaftaj») parazumieńnie i ŭzhodnim z MZS pytańnie, kab jany mahli pryjechać, pasialicca i, mahčyma, znajści naftu ŭ našaj krainie», — reziumavaŭ pradstaŭnik Petropar.
Romuł Kampas acharaktaryzavaŭ «Biełarusnaftu» jak adnaho ź lidaraŭ u rehijonie, jaki akazvaje pasłuhi pa vyviedcy vuhlevadarodaŭ.
U Vieniesuele,akramia pasłuh siejsmavyviedki, «Biełarusnafta» ŭ ramkach sumiesnaha pradpryjemstva «Pietralera BiełaVieniesałana» viadzie taksama raspracoŭku 7 naftavych i 6 hazavych radoviščaŭ. Pašyryć najaŭnuju resursnuju bazu płanujecca za košt raspracoŭki błoka Chunin-1. Taksama ŭ Vieniesuele stvorana z udziełam «Biełarusnafty» sumiesnaje servisnaje pradpryjemstva.
U Ekvadory, na rynku jakoha ŭ halinie siejsmavyviedki i servisu «Biełarusnafta» prysutničaje z 2012 hoda, viasnoj hetaha hoda kampanija z dolaj 7% uvajšła ŭ kansorcyum ź miascovaj Petroamazonas i čylijskaj ENAP. Kansorcyum stvorany dla vyviedki i zdabyčy nafty ŭ Amazonii (Błok 28 u pravincyi Pastasa).
Narešcie, u krasaviku 2015 «Biełarusnafta» adkryła filijał u Arhiencinie. Kampanija padała zajaŭku na ŭdzieł u tendary na praviadzieńnie 3D siejsmavyviedki na ŭčastkach Pedras Niehras i Manhruja. Taksama, jak zajaŭlaŭ hienieralny dyrektar «Biełarusnafty» Alaksandr Lachaŭ, kampanija maje namier zdabyvać słancavyja naftu i haz u partniorstvie ź miascovaj nacyjanalnaj naftahazazdabyŭnoj kampanijaj YPF.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja39
Kamientary