Aktyvisty arhanizacyi «Nacyjanalny kamitet +60», pryśviečanaj dniu naradžeńnia prezidenta RF Uładzimira Pucina, patrabujuć paskoryć pryličeńnie kiraŭnika rasijskaj dziaržavy da liku śviatych, piša sajt Rosbalt.ru.
Jany zajaŭlajuć, što da ich pastajanna źviartajucca pravasłaŭnyja hramadzianie krainy z prośbaj sadziejničać kananizacyi Pucina. Raniej «Nacyjanalny kamitet» užo źviartaŭsia z hetaj nahody da patryjarcha Maskoŭskaha Kiryła. Ciapier aktyvisty adpravili jamu jašče adzin list z prapanovaj paskoryć pryličeńnie Pucina da liku śviatych. Pra heta paviedamili «Rosbałtu» sami aktyvisty arhanizacyi.
«I, narešcie, uvieści ŭ praces nabaženstvy aficyjnuju malitvu «Ab Pucinu»! Apošnija sacyjałahičnyja dadzienyja vyrazna pakazvajuć, što dla 90% nasielnictva krainy prezident RF źjaŭlajecca aporaj i nadziejaj u ziamnym žyćci, a amal 100% pravasłaŭnaha ludu štodnia molacca ab jaho zdaroŭi i žadajuć bačyć jaho pažyćciovym kiraŭnikom vialikaj Rasii! Nie sakret, što tytaničnyja siły na karyść Radzimy jon atrymlivaje ad Boha», - kažuć aktyvisty.
Jany śviedčać, što «ucarkoŭleny nacyjanalny lidar hieraična abaraniaje pravasłaŭnych va Ukrainie i ŭ Siryi», a taksama «bliskuča viarnuŭ ajčynie sakralnuju Korsuń».
«U hroznuju hadzinu lutaj ataki Zachadu na našy duchoŭnyja kaštoŭnaści i ekanamičnuju moc dziaržavy ŭsio patryjoty źjadnalisia vakoł Uładzimira Pucina, vieračy ŭ jaho pośpiech i niepieramožnaść», — padkreślivajuć aktyvisty. «Nacyjanalny kamitet +60» miarkuje, što «zdarovyja siły ŭ RPC vykanajuć duchoŭny nakaz rasijskaha naroda», i ŭžo ŭ 2016 hodzie va ŭsich pravasłaŭnych cerkvach zahučyć malitva «Ab Pucinu — vyratavalniku Rasii».
Rasijskija błohiery adznačajuć, što hety zaklik — heta tonki ściob z kultu asoby Pucina ŭ Rasii.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary