By.tribuna.com zrabiła materyjał, čamu ŭ Biełarusi ludzi pierastali chadzić na stadyjon. Čatyry historyi pra toje, jak luboŭ pieratvaryłasia ŭ abyjakavaść. U tym liku i praz vobšuki pry ŭvachodzie na futbolnyja i chakiejnyja areny.
22-hadovy student Anton z Homiela raspavioŭ nastupnuju historyju.
«U 2014 hodzie chadziŭ na matčy čempijanatu śvietu pa chakiei. Milicyjanty tady vyznačylisia niesuśvietnaj duraściu. Pry ŭvachodzie na areny chiba što ŭ škarpetki nie załazili. A ŭ «Čyžoŭcy» adzin kapitan prymušaŭ usich uklučać roznyja pryłady: mabiłki, płanšety i hetak dalej. U mianie na ajpadzie była šykoŭnaja «Pahonia» na zastaŭcy. Nu i pačaŭsia nievialiki pierfomans: «Jak vas zavuć? Vašy dadzienyja?» Łajacca było ŭ padłu. Sunuŭ pašpart: «Pierapisvajcie, moža premiju daduć».
Čaplacca da karcinak u hadžetach heta zusim marazm! Ciapier chadžu tolki na vielmi znakavyja matčy. Tak, davodzicca pierastupać praź siabie, tryvać hetyja pieratrusy. Heta mnie nie padabajecca, tak što znosiny ź milicyjaj na futbole minimizavaŭ.
Niadaŭna, da prykładu, chacieŭ pahladzieć na novy stadyjon «Minska». Pryjšoŭ na hulniu «haradžan» z BATE. Mianie abšukali, abłajali dy jašče i vyviernuli mozh pastajannym paŭtoram słoŭ ab zabaronie da pranosu kaluča-režučaj zbroi. Niaŭžo niechta siakieru paniasie z saboj?! Staić siaržant napieravies z «maciuhalnikam» i vieraščyć na pałovu stadyjona! Panuraja abstanoŭka.
Na Šry-Łancy ŭ 37 hadoŭ pamior biełaruski kinapradziusar Andrej Matałyha3
Kamientary