Sacyjał-demakraty nie vyklučali Karatkievič z partyi. Mahčyma, pakul
Vyniki prezidenckaj kampanii abmierkavaŭ 25 kastryčnika Centralny kamitet Biełaruskaj sacyjał-demakratyčnaj partyi (Hramada).
Dla kiraŭnictva partyi hetaje pytańnie było asabliva aktualnaje, bo kandydat u prezidenty Taćciana Karatkievič, jakaja farmalna pradstaŭlała na vybarach hramadzianskuju kampaniju «Havary praŭdu», adnačasova jość čalcom BSDP (Hramada). U palityčnych kułuarach navat źjavilisia čutki, što minskaj haradskoj arhanizacyi daručyli razhledzieć pytańnie ab vyklučeńni eks-kandydatki z šerahaŭ partyi.
Staršynia staličnaj haradskoj partyjnaj arhanizacyi historyk Anatol Sidarevič byŭ dakładčykam na pasiadžeńni CK. Jon patłumačyŭ:
— Karatkievič nie była pradmietam abmierkavańnia. U paradku dnia było pytańnie — «Vyniki palityčnaj kampanii «Vybary prezidenta Respubliki Biełaruś». My pryniali kampramisnuju rezalucyju, jakuju prapanavaŭ Aleh Trusaŭ. U hetaj pastanovie proźvišča Karatkievič naahuł nie zhadvajecca.
— Ale, mabyć, padčas dyskusii ŭźnikała pytańnie pra jaje?
— Tak, ja i ŭ dakładzie jaje zhadvaŭ. I ŭdzielniki dyskusii — taksama. Ale nijakaj ukazki nakont jaje losu nie było.
— Adnak pakolki dyskusija była, to, mabyć, niechta jaje asudžaŭ, niechta padtrymlivaŭ?
— Ja tak skažu: zastupnikaŭ Taćciany Karatkievič praktyčna nie było. Ale my — sacyjał-demakraty. I my nie siačem z-za plača. A jak jano budzie razhortvacca dalej, pabačym.
Taćciany Karatkievič na pasiadžeńni CK nie było. Jana dahetul u zamiežnych pajezdkach. Viarnucca ŭ Biełaruś maje bližej da kanca hetaha tydnia.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary