Biełarusy atrymali Hran-pry i $100 000 na mižnarodnym konkursie inavacyjnych startapaŭ za piersanalny skanier stanu zuboŭ
Raspracoŭka biełarusaŭ — partatyŭny zubny skaner Toothscan — atrymała Hran-pry i pryz u 100 tysiač dalaraŭ na konkursie inavacyjnych startapaŭ u ramkach Wolves Summit u Varšavie.
Prajekt startapa Tesla Studios dazvalaje vyjaŭlać prablemy z zubami na rańniaj stadyi, kab minimizavać vydatki na stamatołaha. Vonkava hadžet vyhladaje jak zvyčajnaja zubnaja ščotka. Vy pravodzicie joju ŭzdoŭž zuboŭ, jana skanuje pavierchniu i pieradaje atrymanyja dadzienyja na śpiecyjalnuju prahramu dla smartfonaŭ.
Tam vy bačycie isnujučyja prablemy, a taksama mahčymaje rašeńnie dla ich likvidacyi. Časta prablemu možna vyjavić na rańniaj stadyi i istotna zekanomić na pachodzie da lekara.
Toothscan — tolki adzin z prajektaŭ biełarusaŭ. U ich liku palčatka T-Glove, a taksama kaścium T-Suit, jaki možna intehravać ź isnujučymi akularami virtualnaj realnaści.
Dźmitryj Marozaŭ (źleva) - kiraŭnik startapa, Siarhiej Churs (sprava) adkazvaje za techničny bok. Taksama ŭ kamandzie Tesla Studios Ihar Buturla (hałoŭny dyzajnier) i Dzianis Dybski, jaki adkazvaje za markietynh.
Na konkursie ŭ Polščy biełarusy, jakija bazujucca ŭ Łondanie, abyšli takija prajekty, jak sistema elektronnaj biaśpieki Elephant Door, servis dla raspaznańnia movy Speechmatics, prahrama dla farmiravańnia płejlista z usich radyjostancyj śvietu Recast. U konkursie ŭdzielničała kala 300 startapaŭ.
Nahadajem, tolki na minułym tydni biełarus Juryj Birčanka sa svaim startapam NWave staŭ pieramožcam prestyžnaha brytanskaha konkursu idej u śfiery internetu rečaŭ The BIG Awards.
Ciapier čytajuć
Jak u halečy śpivałasia radnia Łukašenki? Małaviadomyja fakty25
Kamientary