Pierad Dziaržkamvajenpramam staić zadača pastavić u biełaruskaje vojska bolš daskanałyja rakietnyja kompleksy ŭ 2016—2017 hadach.
Pra heta siońnia žurnalistam paviedamiŭ staršynia Dziaržaŭnaha vajenna-pramysłovaha kamiteta Siarhiej Huruloŭ pa vynikach naviedvańnia Alaksandram Łukašenkam zavoda dakładnaj elektramiechaniki ŭ Dziaržynskim rajonie.
Alaksandr Łukašenka ŭ čas naviedvańnia šmatprofilnaha ŭniviersalnaha cecha zavoda aznajomiŭsia u pryvatnaści z chodam rabot pa łakalizacyi vytvorčaści rakiet reaktyŭnaj sistemy załpavaha ahniu.
Siarhiej Huruloŭ adznačyŭ, što kiraŭnikom dziaržavy vyznačana zadača pastavić u biełaruskaje vojska bolš daskanałyja rakietnyja kompleksy ŭ 2016—2017 hadach, i «my za hetuju pracu biaremsia».
Kiraŭniku było paviedamlena ab vykanańni jaho daručeńniaŭ pa stvareńni ajčynnaha rakietabudavańnia i asnaščeńnia Uzbrojenych Sił sučasnaj rakietnaj technikaj.
Pa słovach Siarhieja Hurulova, siońnia kiraŭnikom dziaržavy była praviedziena pravierka vykananaha. Dziaržkamvajenpram i arhanizacyi, jakija pracujuć nad stvareńniem rakietnaj sistemy załpavaha ahniu dalokaściu 200 km, dobra zrabili spravazdaču.
Stvorany ceły kompleks, navukovy i vytvorčy, dla pracy ŭ hetym kirunku.
«Usie sučasnaje, pačynajučy ad haspadarčych pabudoŭ da kamunikacyj i abstalavańnia, padabranyja navučanyja ludzi. Jany, jak było paviedamlena, pavieryli ŭ siabie, pavieryli ŭ svaje mahčymaści. My ruchajemsia dalej», — padkreśliŭ staršynia Dziaržkamvajenprama.
Akramia taho, padčas naviedvańnia zavoda kiraŭniku dziaržavy było paviedamlena ab vytvorčaj struktury, finansava-haspadarčaj dziejnaści i pierśpiektyvach pradpryjemstva.
Alaksandr Łukašenka aznajomiŭsia taksama z technikaj rakiet reaktyŭnaj sistemy załpavaha ahniu «Pałanez» i abstalavańniem dla vyprabavańnia rakietnych ruchavikoŭ na placoŭcy pakazu ŭzbrajeńniaŭ, vajennaj i śpiecyjalnaj techniki.
U pryvatnaści, kiraŭniku dziaržavy byli pradstaŭleny bajavaja mašyna, jakaja transpartuje kamplekty puskavych kantejnieraŭ, transpartna-zaradžalnaja mašyna, pryznačanaja dla ich pahruzki, razhruzki i pieravozki, i mašyna bajavoha kiravańnia.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj5
Kamientary