Prakuratura Minska sankcyjanavała ŭziaćcie pad vartu padazronaha ŭ zabojstvie minčanki 1984 hoda naradžeńnia, treniera BFST «Dynama» Julii Bałykinaj. Pra heta paviedamili ŭ prakuratury horada.
Abvinavačańnie mužčynu 1987 hoda naradžeńnia pakul nie vystaŭlena. Cieła zahinułaj jašče nie znojdziena, skazali ŭ prakuratury Minska.
Z zajavaj ab źniknieńni žančyny ŭ pravaachoŭnyja orhany źviarnuŭsia jaje znajomy. Jon skazaŭ, što 28 kastryčnika trenier na asabistym aŭtamabili pajechała dadomu ŭ Zavodski rajon Minska, paśla čaho pierastała vychodzić na suviaź.
U śledstva jość abjektyŭnyja źviestki, jakija śviedčać ab kryminalnym charaktary źniknieńnia žančyny. Padčas ahladu miesca žycharstva i aŭtamabila, što naležaŭ joj, znojdzieny ślady, jakija ŭ sukupnaści ź inšymi sabranymi materyjałami ŭkazvajuć na ŭčynieńnie zabojstva.
Raspačata sprava na padstavie č. 1 art. 139 KK (zabojstva).
Kamientary