Biełaruski mietałurhičny zavod vypuścić valutnyja ablihacyi na $240,5 młn. Heta praduhledžana prajektam ukaza, jaki pradstavili siońnia Alaksandru Łukašenku namieśnik premjer-ministra Uładzimir Siamaška i hienieralny dyrektar BMZ Anatol Savianok.
Pracentny dachod pa ablihacyjach składzie da 8,5 pracenta hadavych, jany buduć vypuščany terminam na piać hadoŭ. Alaksandr Łukašenka ŭ cełym adobryŭ prajekt ukaza. Čakajecca, što ŭ bližejšym budučym dakumient budzie padpisany.
Kiraŭnik dziaržavy pradmietna cikaviŭsia situacyjaj na BMZ, źmianieńniami, jakija adbylisia z momantu jaho apošniaha naviedvańnia zavoda ŭ vieraśni hetaha hoda. Alaksandr Łukašenka nahadaŭ, što, budučy tady na pradpryjemstvie, abiacaŭ viarnucca da pytańnia funkcyjanavańnia BMZ u płanie vyrašeńnia tut prablem.
Emisija ablihacyj, jak adznačyŭ Łukašenka, prapanavana dla taho, kab «asłabić finansavy pres na pradpryjemstva i atrymać niejkuju raźviazku isnujučaha finansavaha stanovišča». Jon pacikaviŭsia, u jakim napramku treba budzie dziejničać, jakija jość naściarožanaści. Damoŭlenaść pa emisii ablihacyj dasiahnuta ź biełaruskimi bankami.
«Tut ryzyki mienšyja. Heta našy banki. My tut raźbiaromsia, kali niedzie dapuścili pamyłku. Ale, tym nie mienš, mahčyma, takija pytańni buduć i ŭ dalejšym uźnikać», — kanstatavaŭ kiraŭnik dziaržavy.
Jak było dałožana Łukašenku, situacyja na źniešnich rynkach zastajecca składanaj. Tempy rostu ekspartu nie spynilisia, u naturalnym vyražeńni hety pakazčyk na BMZ składaje 111,3 pracenta za studzień-kastryčnik 2015 hoda da anałahičnaha pieryjadu 2014-ha. Pry hetym u hrašovym vyražeńni tempy rostu ekspartu źnizilisia da 78,8 pracenta. Padtrymać abjom abarotnych srodkaŭ płanujecca ŭ tym liku šlacham emisii ablihacyj. Akramia taho, tak na zavodzie raźličvajuć atrymać dapamohu ŭ absłuhoŭvańni kredytaŭ, uziatych na realizacyju inviestycyjnych prajektaŭ. U toj ža čas BMZ udałosia zachavać pazicyi na rynkach, u tym liku Blizkaha Uschodu, Afryki. Pradpryjemstva praciahvaje naroščvać pastaŭki ŭ krainy Jeŭropy, jość dadatkovyja napracoŭki ŭ hetym napramku pa ZŠA.
Ciapier čytajuć
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam8
Kamientary