Ministr sportu Rasii Vital Mutko ŭ adkaz na hučnyja abvinavačvańni kamisii Suśvietnaha antydopinhavaha ahienctva, zajaviŭ što rasijskaja dziaržava moža spynić finansavańnie antydopinhavych prahram u krainie.
«Kali treba ŭsiu hetuju sistemu zakryć, to my z zadavalnieńniem zakryjem. Spynim płacić unioski, spynim finansavać Rasijskaje antydopinhavaje ahienctva, Maskoŭskuju antydopinhavuju łabaratoryju. Tolki zekanomim hrošy. Ale što b my ni rabili — usio drenna», — cytuje Mutko Interfaks.
Ministr sportu zajaviŭ intervju ahienctvu, što ŭ Rasii byli i jość prablemy z dopinham, ale jana ich nikoli nie zamoŭčvała.
Kamisija Suśvietnaha antydopinhavaha ahienctva (WADA) u paniadziełak apublikavała vialiki dakład, u jakim rekamiendavała Mižnarodnaj asacyjacyi lohkaatletyčnych fiederacyj dyskvalifikavać Usierasijskuju fiederacyju lohkaj atletyki za sistematyčnyja parušeńni, źviazanyja z užyvańniem dopinhu spartoŭcami.
Pry hetym kiraŭnik kamisii Ryčard Paŭnd abvinavaciŭ u datyčnaści da ŭtojvańnia vypadkaŭ užyvańnia dopinhu FSB i asabista Vitala Mutko.
U dakładzie, u pryvatnaści, havorycca, što maskoŭskaja antydopinhavaja łabaratoryja pad kiraŭnictvam Ryhora Rodčankava źniščyła 1417 dopinh-probaŭ pierad pryjezdam inśpiekcyi WADA.
Vital Mutko zajaviŭ Interfaksu, što proby byli źniščanyja ź viedama samoha ž WADA, adnak z dalejšych jaho tłumačeńniaŭ vynikaje, što ahienctva nie davała ukazańniaŭ źniščyć proby.
«Heta rabiłasia ź viedama WADA, jakoje spuściła cyrkular. Tam jość pracedura, spuścili: «Z takoha-ta momantu proby zachavajcie». Pa astatnich nie było ukazańniaŭ, i jany byli źniščanyja», — patłumačyŭ Mutko.
Ryhor Rodčankaŭ u hutarcy ź Bi-bi-si nie adkinuŭ naŭprost abvinavačvańni kamisii WADA, a paabiacaŭ adkazać na ich paźniej.
«Heta tolki mierkavańnie niezaležnaj kamisii. Ja dam poŭnuju spravazdaču. Usie hetyja abvinavačvańni byli mnie viadomyja i raniej, i ja dam na ich razhornuty adkaz», — skazaŭ Rodčankaŭ, dadaŭšy, što jon dziejničaŭ «u poŭnaj adpaviednaści ź mižnarodnymi standartami pracy (antydopinhavych ) łabaratoryj».
-
Minskaje «Dynama» nie zmahło ŭčora vylecieć u Sočy i zastałosia ŭ Nižnim Noŭharadzie z-za pahrozy bieśpiłotnikaŭ
-
U Turcyi padčas futbolnaha matča miač trapiŭ u čajku. Ale zahinuć ptušcy nie dali
-
Śpiecpradstaŭnik Pucina pra finał Alimpijady: Zbornaja ZŠA pieramahła svoj budučy 52‑i štat. Adzin z apošnich chakiejnych matčaŭ pamiž ZŠA i Kanadaj
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary