Biznesmen ź Iardanii kupiŭ pałac u Iŭjeŭskim rajonie za 94 tysiačy dalaraŭ
9 listapada adbyŭsia aŭkcyjon pa prodažy pałaca XIX stahodździa ŭ Iŭjeŭskim rajonie. Biznesmen ź Iardanii kupiŭ pomnik architektury za 1,6 młrd rubloŭ.
Pałac Umiastoŭskich u Žamysłaŭli źjaŭlajecca kopijaj znakamitaha «pałaca na vadzie» ŭ karaleŭskim parku Łazienki ŭ Varšavie. Try razy abjekt vystaŭlali na prodaž. Narešcie, pakupnik znajšoŭsia.
Miascovyja ŭłady nie nazyvajuć imia inviestara, ale viadoma, što heta biznesmen ź Iardanii. Napiaredadni aŭkcyjonu jon pryjazdžaŭ u Žamysłaŭl, kab ubačyć abjekt.
Suma ŭhody — kala 1,6 młrd rubloŭ, adznačyŭ namieśnik staršyni Iŭjeŭskaha rajvykankama Alaksandr Ramaniuk. Heta cana samoha abjekta plus pakryćcio vydatkaŭ na prajektna-kaštarysnuju dakumientacyju, jakaja była apłačanaja ź biudžetu.
Akramia samoha pałaca, pakupnik atrymaje jašče try budynki pačatku XX stahodździa, a taksama vialiki park.
Pa słovach namieśnika staršyni Iŭjeŭskaha rajvykankama, dastupnaść adrestaŭravanaha pałaca dla turystaŭ — adna z umoŭ prodažu abjekta.
Budynak nie vykarystoŭvajecca z 2006 hoda. Raniej tut zasiadała ŭpraŭleńnie kałhasu, raźmiaščałasia biblijateka, adździaleńnie suviazi i sielski kłub.
U 2009 hodzie siadzibu pradali pradprymalniku ź Minska, adnak prakurorskaja pravierka vyjaviła parušeńni — budynak pradali ŭsiaho za 9 młn rubloŭ, u toj čas jak śpiecyjalisty acanili jaho ŭ 1 młrd rubloŭ. Tady abjekt viarnuli na bałans SVK.
U 2012 hodzie ŭ pałacy zdaryŭsia pažar, u vyniku jakoha abrynułasia stracha.
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary