Cieła źnikłaj lohkaatletki Julii Bałykinaj znojdzienaje ŭ lesie ŭ Smalavickim rajonie, paviedamlaje Ministerstva ŭnutranych spraŭ Biełarusi.
Pošuki žančyny išli z 28 kastryčnika, ale doŭhi čas nie davali vyniku. Z 8 listapada dla hetych metaŭ MUS štodnia vydzialała 300 sałdat Unutranych vojskaŭ, jakija pračesvali les. Cieła spartsmienki, zahornutaje ŭ cełafan i staranna prykrytaje mocham, znajšli kala vioski Staryna Smalavickaha rajona. Ciapier na miescy pracuje śledča-apieratyŭnaja hrupa ŭpraŭleńnia Śledčaha kamiteta pa Minsku z udziełam ekśpiertaŭ-kryminalistaŭ i sudmiedekśpiertaŭ.
31-hadovaja Julija Bałykina źnikła 28 kastryčnika. Praź niekalki dzion pa padazreńni ŭ ździajśnieńni złačynstva byŭ zatrymany znajomy paciarpiełaj. Na jaho zaviali kryminalnuju spravu za zabojstva. U milicyi miarkujuć, što jon naŭmysna nie paviedamlaŭ dakładnaje miescaznachodžańnie trupa.
Čytajcie taksama: Plitačnik i čempijonka. Siabar chłopca, padazravanaha ŭ zabojstvie treniera: «Kanflikt pačaŭsia z-za ramontu»
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary