Ułady prydumali, jak adbić u biełarusaŭ žadańnie chadzić na akcyi pratestu VIDEA
Na zaklik Mikałaja Statkieviča dźvie sotni demanstrantaŭ prajšli praśpiektam u znak pratestu suprać dyktatury. Dzień byŭ vybrany nie vypadkovy — mienavita 24 listapada 1996 hoda na refierendumie byli zamacavanyja dyktatarskija paŭnamoctvy.
Hetym razam na šeści vykryłasia novaja taktyka milicyi, nakiravanaja na toje, kab adbić u biełarusaŭ achvotu chadzić na akcyi pratestu.
Paśla zakančeńnia akcyi, akramia zvykłych pratakołaŭ na arhanizataraŭ, milicyjanty pačali składać papiery na šarahovych udzielnikaŭ šeścia pa artykule «udzieł u niesankcyjanavanym masavym mierapryjemstvie».
Pad razdaču patrapili prostyja ludzi, jakija stavili źnički na hanak CVK.
Bolš za toje, milicyjanty skłali pratakoły navat na žurnalistaŭ (!) i naziralnikaŭ Chielsinskaha kamitetu.
Hladzicie na hetyja šedeŭralnyja dyjałohi ŭ videa.
Zvyčajny pamier štrafu, jaki płaciać arhanizatary akcyi, — kala 10 miljonaŭ, tamu vidavočny raźlik na toje, što ludziej udasca zapałochać hrašovymi pakarańniami.
Ci atrymajecca va ŭładaŭ takim čynam zastrašyć?
Pabačym. A pakul što Mikoła Statkievič paabiacaŭ, što «nie kinie» ŭ takoj situacyi nikoha sa svaich prychilnikaŭ.
Ciapier čytajuć
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary