Čerap staražytnaj źmiai, znojdzieny ŭ Arhiencinie, dapamoh navukoŭcam zrazumieć, čamu hetyja žyvioły stracili kancaviny ŭ chodzie evalucyi.
Raniej ličyłasia, što źmiei «adkinuli» kancaviny, kab lepš płavać — pry pierachodzie da vodnaha ładu žyćcia, pieradaje Lenta.ru. Adnak budova čerapa źmiai z Patahonii (uzrostam 90 młn hadoŭ) kaža pra toje, što dadzieny anatamičny zruch adbyŭsia, kali prodki źmiej pačali zakopvacca va ŭsio bolš vuzkija nory ŭ pošukach zdabyčy.
Navukoŭcy ź Vialikabrytanii i ZŠA abśledavali ŭnutranaje vucha dvuchmietrovaj reptylii Dinilysia patagonica z dapamohaj kampjutarnaj tamahrafii. U źmiai znajšli pieraddźvierje ŭnutranaha vucha, struktura jakoha charakternaja dla sučasnych ziemlaryjnych reptylij: tak jany «čujuć» drapiežnikaŭ i zdabyču ŭ hłybokich norach. Ni ŭ marskich, ni ŭ zvyčajnych «naziemnych» źmiej dadzienaj anatamičnaj asablivaści nie vyjaŭlena.
Hetaje adkryćcio dapamahło zapoŭnić važny prabieł u evalucyi źmiej: jak vidać, najstaražytnymi pradstaŭnikami padatrada byli mienavita ziemlaryjnyja reptylii, ad jakich pajšli ŭsie astatnija źmiei.
Adnak šerah apošnich adkryćciaŭ inšych navukoŭcaŭ nie stasujecca z prapanavanaj teoryjaj. Tak, u 2015 hodzie mižnarodny kalektyŭ daśledčykaŭ pryjšoŭ da vysnovy, što prodak usich sučasnych źmiej byŭ načnym zasadnym drapiežnikam i vałodaŭ malusieńkimi zadnimi kancavinami z paŭnavartasnymi ščykałatkami i palcami. Sfarmavaŭsia jon na sušy i, chutčej za ŭsio, u ciopłych lasach paŭdniovaha paŭšarja 128 młn hadoŭ tamu (rańni miełavy pieryjad). Taksama znachodki čatyroch vidaŭ staražytnych źmiej abvierhli teoryju ab raptoŭnym źjaŭleńni źmiej na drevie evalucyi (100 młn hadoŭ tamu).
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
-
Mask płanuje stvaryć na kalaziamnoj arbicie sapraŭdnaje suzorje centraŭ apracoŭki danych. Rasija zaniepakojenaja
-
Apple nabyła sakretnuju izrailskuju technałohiju sčytvańnia mimiki
Kamientary