Kitajski mastak-pierfarmansist, jaki pracuje pad imiem Brother Nut, u ramkach svajho «Prajekta Pył» pry dapamozie pyłasosa sabraŭ smoh u Piekinie i zrabiŭ ź jaho cahlinu, paviedamlaje The New York Times.
Małady čałaviek «pyłasosiŭ» pavietra horada na praciahu 100 dzion mahutnym pramysłovym aparatam. Paśla jon źmiašaŭ sabrany pył z hlinaj i ciapier demanstruje jaho jak pakazčyk ekałahičnaj katastrofy ŭ Kitai.
«Hety pył — pabočny efiekt raźvićcia čałaviectva, heta smoh i pył budplacovak. Kali ja ŭpieršyniu pryjechaŭ u Piekin, ja nasiŭ achoŭnuju masku niekalki dzion, ale paśla pierastaŭ. Ad takoha smohu vyratavańnia niama», — ličyć mastak.
Adznačajecca, što praca nad «Prajektam Pył» supała pa časie z adnym z samych mocnych smohaŭ u Piekinie za apošnija hady.
Ciapier čytajuć
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ2
Kamientary