Biełaruskija ŭłady čakajuć, što da kanca 2016 hoda kurs dołara ŭ krainie moža skłaści 19 tysiač 350 rubloŭ. Pavodle infarmacyi BiełaPAN, da takoj acenki pryjšoŭ Nacyjanalny bank u pracesie vyznačeńnia asnoŭnych kirunkaŭ kursavoj palityki na nastupny hod.
Miarkujecca, što kursavaja palityka zastaniecca hibkaj i dynamika abmiennaha kursu ŭ 2016 hodzie budzie vyznačacca na padstavie popytu i prapanovy valut na ŭnutranym rynku. Zhodna z płanami Nacbanka, valutnyja tarhi na biržy ŭ nastupnym hodzie buduć praciahvać prachodzić u režymie bieśpierapynnaha dvajnoha aŭkcyjonu.
U miežach kursavoj palityki rehulatar maje namier prytrymlivacca minimizacyi valutnych interviencyj. Vychodzić na biržu i pradavać valutu Nacbank płanuje tolki ŭ metach niedapuščeńnia rezkich vahańniaŭ kacirovak valut.
U vypadku pieravyšeńnia prapanovy zamiežnaj valuty nad popytam na jaje Nacyjanalny bank płanuje ŭ 2016 hodzie strymlivać umacavańnie biełaruskaha rubla šlacham kupli zamiežnaj valuty.
Usie aficyjnyja prahnoznyja paramietry, jakija padrychtavali ekanamičnyja ŭłady na nastupny hod, budujucca na dapuščeńni, što siaredniaja cana nafty na suśvietnym rynku składzie ŭ nastupnym hodzie 50 dołaraŭ za baral, a dołar u siarednim budzie kaštavać u Rasii 63 rasijskija rubli.
Biełaruskija ekanamisty miarkujuć, što pry adnosna stabilnaj suśvietnaj canie na naftu značnych vahańniaŭ na valutnym rynku Biełarusi ŭ nastupnym hodzie nie pavinna adbyvacca.
«Pry zachavańni rynačnaha kursaŭtvareńnia, realizacyi płanaŭ urada pa źnižeńni inflacyi i siaredniaj canie nafty na ŭzroŭni 50 dołaraŭ za barel devalvacyja budzie niaznačnaj», — prahnazuje ekśpiert Biełaruskaha ekanamičnaha daśledča-adukacyjnaha centra (BEROC) Kaciaryna Barnukova.
Na dumku analitykaŭ finansavaha rynku, da kanca 2016 hoda dołar u krainie moža kaštavać kala 20.000 rubloŭ, abo (z ulikam denaminacyi, zapłanavanaj na siaredzinu hoda) — kala dvuch biełaruskich rubloŭ.
Tak, naprykład, staršy analityk foreks-brokiera «Alpary» Vadzim Josub prahnazuje, što košt košyka zamiežnych valut, jaki źjaŭlajecca apieracyjnym aryjenciram kursavoj palityki Nacbanka, moža vyraści praparcyjanalna inflacyi. «Z ulikam hetaha pry niaźmiennaści kros-kursaŭ zamiežnych valut kurs dołara da kanca nastupnaha hoda składzie 20.000—20.500 rubloŭ. Kali ŭličym denaminacyju, zapłanavanuju na nastupny hod, heta aznačaje, što dołar moža kaštavać praz hod kala dvuch biełaruskich rubloŭ», — miarkuje Josub.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy11
Kamientary