U Maskvie z metaj źnizić traŭmaniebiaśpiečnaść pačali aśviačać lod na katkach. Na siońniašni dzień u stalicy RF stvorana ŭžo try «pravasłaŭnyja» katki, na čarzie — katki ŭ inšych haradach Rasii, paviedamlaje RIAN.
«Pravasłaŭnyja» katki — vynik supracoŭnictva sinadalnaha adździeła pa spravach moładzi i sietki katkoŭ «Ruskaja zima».
Jak paviedamili aŭtary idei stvareńnia «pravasłaŭnych» katkoŭ, aśviečany lod dazvolić źnizić traŭmaniebiaśpiečnaść.
«Aśviačeńnie lodu robicca dla taho, kab źnizić traŭmaniebiaśpiečnaść. Na našych zimovych śviatočnych mierapryjemstvach zaŭsiody prysutničaje baciuška, jon aśviačaje lod, pravodzić malebien, kamunikuje z moładździu ŭ niefarmalnaj abstanoŭcy», — rastłumačyŭ supracoŭnik sinadalnaha adździeła Maskoŭskaha patryjarchatu pa spravach moładzi.
Jon zapeŭniŭ, što padčas apošnich śviatočnych mierapryjemstvaŭ na adnym z takich stadyjonaŭ ni adzin naviedvalnik katka nie atrymaŭ traŭmaŭ: «Na ŭsich masavych mierapryjemstvach na lodzie ŭ nas zaŭsiody dziažuryć chutkaja, dyk voś učora za ŭvieś čas narodnych hulańniaŭ nie było zafiksavana ni adnoj traŭmy. Chočacca vieryć, što heta tamu, što lod byŭ aśviačony».
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary