U KNDR moža być ułasnaja vadarodnaja bomba. Pra takuju imaviernaść paviedamiŭ lidar krainy Kim Čen Yn, słovy jakoha pryvodzić Centralnaje infarmacyjnaje ahienctva Paŭnočnaj Karei.
«My zmahli stać vialikaj jadziernaj dziaržavaj, zdolnaj abaranić niezaležnaść i nacyjanalnuju hodnaść našaj radzimy mocaj udaraŭ jadziernych i vadarodnych bombaŭ», — pryvodzić słovy Kim Čen Yna ahienctva.
Adnak aficyjnaha paćvierdžańnia najaŭnaści ŭ Paŭnočnaj Karei takoha vidu zbroi pakul nie było. Viadoma ab praviadzieńni tolki jadziernych vyprabavańniaŭ u KNDR. Jany byli ažyćcioŭlenyja ŭ 2006, 2009 i 2013 hadach.
Litaralna ŭ pačatku śniežnia stała viadoma ab tym, što Paŭnočnaja Kareja buduje novy tunel na miescy praviadzieńnia jadziernych vyprabavańniaŭ. Jon znachodzicca niepadalok ad troch inšych tunelaŭ, jakija paŭnočnakarejskija ŭłady raniej vykarystoŭvali dla praviadzieńnia atamnych vybuchaŭ u śpiecyjalnaj zonie na paŭnočnym uschodzie krainy.
Čytajcie taksama: Žurnalistka «NN» sprabavała trapić u KNDR. Što ŭ jaje pytalisia ŭ ankiecie na vizu?
Kamientary