U Biełarusi admienienaje rehulavańnie cen na šerah charčovych tavaraŭ i pasłuh. Heta praduhledžana pastanovaj Savieta ministraŭ ad 11 studzienia 2016 hoda № 8 «z metaj dalejšaha źnižeńnia administracyjnaha rehulavańnia ŭ śfiery cenaŭtvareńnia», paviedamlaje pres-słužba ŭrada.
Novym dakumientam unosiacca źmieny ŭ pastanovu ad 17 studzienia 2014 hoda № 35 i ŭ pieralik sacyjalna značnych tavaraŭ (pasłuh), ceny (taryfy) na jakija rehulujucca dziaržaŭnymi orhanami.
«Z ulikam pradstaŭlenaha šyrokaha asartymientu pradukcyi roznaha cenavaha siehmienta na rynku i kankurencyi siarod vytvorcaŭ ciapier adsutničaje nieabchodnaść u cenavym rehulavańni šerahu charčovych tavaraŭ (chleb, miasa, jajka kurynaje, małočnyja pradukty, dziciačaje charčavańnie) na pastajannaj asnovie», — havorycca ŭ paviedamleńni pres-słužby.
«Rehulavańnie cen na nazvanyja charčovyja tavary budzie ažyćciaŭlacca pry nieabchodnaści z metaj vyklučeńnia značnaha rostu cen pry ažyćciaŭleńni analizu situacyi na charčovym rynku i na časovy termin — ale nie bolš za 90 dzion na praciahu adnaho hoda», — paviedamili ŭ pres-słužbie.
Taksama pastanovaj vyklučajecca rehulavańnie taryfaŭ na šerah pasłuh, da prykładu na prafiłaktyčnyja i abaviazkovyja miedycynskija ahlady hramadzian. Heta źviazana z tym, što «płatu za ich prachodžańnie ŭ asnoŭnym ažyćciaŭlajuć subjekty haspadarańnia», rastłumačyli ŭ pres-słužbie.
Nie buduć rehulavacca taksama taryfy na «pradastaŭleńnie miascovych telefonnych złučeńniaŭ karystalnikam sietki stacyjanarnaj elektrasuviazi z vykarystańniem taksafona, što taksama ŭ ciapierašni čas straciła aktualnaść», zajavili ŭ pres-słužbie.
Pastanova nabudzie moc paśla jaje aficyjnaha apublikavańnia.
Pastanovaj ad 17 studzienia 2014 hoda № 35 byli zaćvierdžanyja pieraliki sacyjalna značnych tavaraŭ i pasłuh. Kolkaść sacyjalna značnych tavaraŭ, ceny na jakija rehulujucca Ministerstvam ekanomiki, hod tamu była pamienšanaja. U pieraliku pakinuli «važniejšyja charčovyja tavary pieršaj nieabchodnaści»: niedarahija vidy chleba biez dabavak i niazdobnyja bułačnyja vyraby; miasa (jałavičyna, śvinina); kurynaje miasa i kurynyja jajki; pasteryzavanaje małako i kiefir, śmiatana, tvaroh; suchija sumiesi, kašy, kansiervy i soki dla dziciačaha charčavańnia; pasłuhi azdaraŭlenčych łahieraŭ.
Abłvykankamy i Minski harvykankam zhodna z pastanovaj № 35 rehulavali ceny na śviežuju harodninu (bulbu, kapustu, buraki, morkvu, cybulu repčatuju, ahurki, pamidory) i jabłyki — za vyklučeńniem tych, jakija pradajucca vymytymi, adkalibravanymi i rasfasavanymi ŭ pierfaravanyja pakiety; ćviordaje paliva, paliŭnyja brykiety i drovy dla nasielnictva; niekatoryja vidy pasłuh (rytualnyja, ahulnych adździaleńniaŭ łaźniaŭ i inšyja).
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary