Pandemičnym virusam hrypu ŭ Biełarusi ŭ hetym epidemijałahičnym siezonie źjaŭlajecca A/H1N1, padobny na toj, što vyklikaŭ pandemiju ŭ 2009 hodzie, paviedamiła 14 studzienia na pres-kanfierencyi ŭ Minsku namieśnik načalnika adździeła hihijeny, epidemijałohii i prafiłaktyki Ministerstva achovy zdaroŭja Ina Karaban.
Pavodle jaje słoŭ, upieršyniu biełarusy sutyknulisia z hetym padtypam, jaki nazyvajecca «śvinym hrypam», u 2009 hodzie.
«Na hety raz situacyja z zachvorvańniem nie paŭtorycca, — śćviardžaje pradstaŭnik ministerstva. — Siońnia ŭ Biełarusi rehistrujucca tolki sparadyčnyja vypadki zachvorvańnia na hryp. Apošnija dva hady epidemii hrypu jak takoj u nas nie było, uzrovień zachvorvańnia na hrypoznuju infiekcyju byŭ na davoli nizkim uzroŭni». Jana adznačyła, što miedyki «nie čakajuć epidemii, ale jak zvyčajna, da jaje rychtujucca».
Śpiecyjalist upeŭnienaja, što Biełarusi nie pahražaje ŭzdym zachvorvańnia na hryp jak va Ukrainie, dzie ŭžo zachvareli bolš za 2 młn. čałaviek i pamierli, pavodle roznych źviestak, ad 25 da 53 čałaviek. Karaban nie ličyć hetuju situacyju niaštatnaj: «Na samaj spravie, va Ukrainie niejkaj nienarmalnaj situacyi z hrypam niama. Heta zvyčajnaja epidemija, charakternaja praktyčna dla kožnaha hoda. Časam jana prachodzić mienš intensiŭna, časam bolš, jak ciapier».
Kiraŭnik Nacyjanalnaha centra pa hrypie Respublikanskaha navukova-praktyčnaha centra epidemijałohii i mikrabijałohii Natalla Hrybkova taksama nie bačyć ničoha niezvyčajnaha ŭ situacyi ŭ susiedziaŭ: «Pačuŭšy naviny ab tym, što va Ukrainie ad hrypu pamierli dziasiatki čałaviek, uklučajcie realnaje myśleńnie, — adznačyła jana. — Što takoje 53 vypadki na ŭsio nasielnictva? (na 1 listapada 2015 hoda nasielnictva Ukrainy składała 42,6 młn. čałaviek), — zaznačyła Hrybkova. — Heta zvyčajnyja sparadyčnyja vypadki. Akramia taho, heta ludzi nie pryščeplenyja, niemaładyja, sa spadarožnymi zachvorvańniami, jakija ŭskładniajuć ciačeńnie posthrypoznych pnieŭmanij, ludzi, jakija pozna źviarnulisia. Hledziačy na situacyju ŭ našych susiedziaŭ, chaču paŭtaryć, što samaja efiektyŭnaja prafiłaktyka hrypu — vakcynacyja. Tamu ŭsie abvinavačańni ŭ bok miedykaŭ u pieryjad praviadzieńnia kampanii pa vakcynacyi ŭ łabiravańni farmaceŭtyčnaj pramysłovaści biespadstaŭnyja».
Jana padkreśliła, što pandemičny virus H1N1 «absalutna anałahičny vakcynnamu štamu, vykarystanamu dla prafiłaktyki hrypu ŭ Biełarusi na siezon 2015—2016, i tyja, chto pryščapiŭsia, ad jaho abaronienyja».
Pavodle słoŭ Karaban, u hetym siezonie vakcynacyju prajšli bolš za 3 młn. 900 tysiač biełarusaŭ, h.zn. 41,7% nasielnictva. Dziakujučy vakcynacyi, adznačyła śpiecyjalist, letaś u paraŭnańni z 2010 hodam zachvorvańnie na hryp źniziłasia ŭ 52 razy: z 2.300 zachvarełych na 100 tys. nasielnictva ŭ 2010 hodzie, da 44 vypadkaŭ na 100 tys. nasielnictva ŭ 2015 hodzie.
U zaviaršeńnie jana paviedamiła, što ŭ hetym siezonie ŭzdym zachvorvańnia čakajecca raniej, čym zvyčajna — u kancy studzienia — pačatku lutaha.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary